مانچێستەر یونایتد لەگەڵ بریکاری یاریزانێکی سپۆرتینگ کۆبووەوە
یاریگا –
یانەی مانچێستەر یونایتد هەوڵەکانی بردە بواری کرداریەوە بۆ گواستنەوەی ئەستێرەیەکی سپۆرتینگ لشبۆنە.
مان یو بە راهێنەرایەتی روبن ئامۆریم دەیانەوێ گۆڕانکارییەکی گشتگیر لە زۆربەی پێگەکانی یاریگادا بکەن و چەند یاریزانێکی بفۆرۆشێت و رەگەزی نوێ بهێنێتە ئۆڵدترافۆرد.
لە یەکەم هەوڵی جیددیدا، بەگوێرەی سەرچاوە نزیکەکان لە مان یونایتد، یانەکە کۆبوونەوەی لەگەڵ بریکاری جیۆڤانی کوێندا کردووە.
🚨 Manchester United have met with Geovany Quenda’s new agent, Jorge Mendes!
(Source: @ManUtdMEN ) pic.twitter.com/7FkpmlT0KV
— Transfer News Live (@DeadlineDayLive) November 30, 2024
ناوبراو تازە تەمەنی 17 ساڵە و لە پێگەی باڵی راست و بەرگری راست یاریدەکات. سەرەرای بچووکی تەمەنی، بەڵام ئامۆریمی پۆرتوگالی بە تواکانی هاونیشتیمانییەکەی ئاشنایە و دەیەوێ ببێتە بەشێک لە پرۆژەکەی لەگەڵ مان یو.
بەرزبوونەوەی ئاستی ناوبراو لە پێگەکەی، وای لە سپۆرتینگ کرد لە سەرەتای ئەم مانگە مەرجی هەڵوەشاندنەوەی گرێبەستەکەی لە 40 ملیۆن یۆرۆ بەرزتر بکاتەوە بۆ 100 ملیۆن.
بەگوێرەی زانیارییەکانی ئابۆلا، خۆرخێ مێندێز گرنگی بە پرۆسەی گواستنەوەکە دەدات و خۆی بەشێک بووە لە گفتوگۆکان.
جیوڤانی لەم وەرزە لە 11 یاریی خولی پۆرتوگالی خاوەنی گۆڵێکە و لە چامپیۆنزلیگیش لە 5 یاریدا ئەسێستێکی هەیە.
