یاریگا –
ئەمڕۆ پشکنینی پزیشکی زیاتر بۆ ئیبراهیما کۆناتێ و کۆنۆر بڕادلی دەکرێت و بڕیار لەسەر بەشداریکردنیان لە یاریی داهاتووی بەرامبەر مانچێستەر سیتی دەدرێت.
کۆناتێ لەدوای بەرکەوتنی لەگەڵ ئێندریک، هەستی بە ئازارکرد و لە دوای تەواوبوونی یارییەکەیان بەرامبەر ریال مەدرید 2-0، یاریزانان لە دەوری کۆبوونەوە و بە شەلەشەل یاریگای جێهێشت.
بڕادڵی بەهۆی هەستکردنی بە ئازار لە ران، نەیتوانی یارییەکە تەواوبکات و جۆ گۆمێز شوێنیگرتەوە.
ئارنە سڵۆت لە دوای یارییەکە لەبارەی پێکانی هەردو یاریزانەکە روونیکردەوە
دەزانم ئازارەکانیان لە کام بەشی جەستەیە، بەڵام ئایا چەندە خراپە، ئەوەیان دیارنییە و دەستبەجێ لەدوای یارییەکان دەستنیشان ناکرێن. بەدرێژایی وەرز ئەم بابەتانە روودەدەن. هەریەکە لە ئارنۆڵد، دیۆگۆ جۆتا و ئالیسن بەشدارییان لە یاریی ئەمشەودا نەکرد. هەرچەندە ترێنت لەسەر کورسی یەدەکبوو، بەڵام نەیتوانی یاریی بکات، بیرمان نەچێت، کۆستاس (سیمیکاس)یش پێکانی هەیە.
هیوادارم کۆناتێ و برادلی بۆ یارییەکەی مان سیتی ئامادەبن، چونکە پێویستیمان بەو دوو یاریانەیە، بەڵام ئەگەر ئامادەنەبوون، یاریزانی دیکە لە شوێنیان دادەنێین.
هەریەکە لە ئەلێکسیس ماک ئالیستەر و کۆدی خاکپۆ گۆڵەکانی لیڤەرپوولیان لە یارییەکەدا کرد، کۆوامین کێڵێهێریش لێدانێکی سزای کیلیان ئێمباپێی گەڕاندەوە و محەمەد سەڵاحیش، لێدانێکی سزای بۆ لیڤەرپوول فەوتاند.
یەکشەممە کاتژمێر 19:00 بە کاتی هەولێر، لیڤەرپوول لە ئانفیڵد میوانداری مانچێستەر سیتی دەکات.
