دی کیتیلەیر ژمارەیەکی پێوانەیی مێسی و هالاندی یەکسانکردەوە

شەوی رابردوو چارڵس دی کیتیلەیر ئەستێرەی ئەتەلەنتا، ژمارەیەکەی پێوانەیی لیۆنێل مێسی و ئێرلینگ هالاندی یەکسانکردەوە.

چارڵس ئەستێرەی یەکەمی یانەکەی بوو کاتێک شەوی رابردوو لە خولی پاڵەوانەکاندا 6-1 شکستییان بە یەنگ بۆیز هێنا و ناوبراو لە پێنج گۆڵدا راستەوخۆ بەشداربوو.

ئەستێرە بەلجیکییەکە لەو یارییەدا دوو گۆڵی تۆمارکرد و سێ گۆڵی دیکەیشی دروست کرد، ئەمەش ژمارەی پێوانەیی بەشداری گۆڵە لە یەک یاری خولی پاڵەوانەکان دا.

بەر لە چارڵس، سێ جاری دیکە ئەمە روویداوە، یەکەمیان لیۆنێل مێسی بوو  لە 2012دا لەگەڵ بارسێلۆنا بەرامبەر لیڤەرکوسن کاتێک 7-1 براوە بوون. دووهەمجار لویز ئادریانۆ لەگەڵ شاختار ئەنجامیدا بەرامبەر باتی باریسۆڤ لە 2017دا کاتێک 7-0 براوە بوون، وە کۆتا جار پارساڵ بوو لەسەر دەستی ئێرلینگ هالاند لەو یارییەی مان سیتی7-0 لە لایپزیگی بردەوە.

بەگوێرەی داتاکانی ئۆپتا هەرگیز هیچ یاریزانێک نەیتوانیووە لە یەک یاریدا بەشداری شەش گۆڵ بکات، لەوکاتەوەی ئامارەکان کۆدەکرێنەوە لە ساڵی 1992 ـەوە.