ئەستێرەی یاریگا؛ گیلێرمی دۆس سانتۆس باشترین یاریزانی گەڕی دووەمی خولی نایابی کوردستان بوو

یاریگا –

گیلێرمی دۆس سانتۆس ئەستیرەی گەڕی دووەمی خولی نایابی کوردستان بوو، لە یاریی بەرامبەر رانیە هۆکاری سەرکەوتنی زاخۆ بوو.

گیلێرمی دۆس سانتۆس هێرشبەری بەڕازیلی یانەی زاخۆ لەلایەن تۆڕی وەرزشی یاریگا بە ئەستیرەی گەڕی دووەمی خولی نایابی کوردستان هەڵبژێردرا، کە لە هەر گەڕێک باشترین یاریزانی خولەکە هەڵدەبژێردرێت، هێرشبەرەکەی زاخۆ لە یاریی بەرامبەر رانیە کە زاخۆ 3-1 بردنەوەی بەدەستهێنا، دوو گۆڵی کرد و کلیلی سەرکەوتنی یانەکەی بوو.

ئەستێرەی یاریگا؛ محەمەد حەمید باشترین یاریزانی گەڕی یەکەمی خولی نایابی کوردستان بوو

گیلێرمی دۆس سانتۆس (20 ساڵان) لە گەڕی یەکەمیش تاکە گۆڵی یانەکەی لە یاریی بەرامبەر رزگاری کرد و بە سێ گۆڵ پێشەنگی گۆڵکارانی خولەکەیە، کە لە بازاڕی گواستنەوەی هاوینە پەیوەندی بە ریزەکانی زاخۆوە کرد.

لە گەڕی دووەمی خولی نایابی کوردستان، لەکۆی 6 یاری (یاریی هەولێر و ئاکرێ بۆ کاتێکی نادیار دواخرا) 13 گۆڵ تۆمارکران کە دوو گۆڵیان بە لێدانی سزا بوون، 18 کارتی زەرد و کارتێکی سوور بەرزکرانەوە و سێ یاریش بە ئەنجامی سپی بەبێ گۆڵ کۆتاییان هات.