بارسێلۆنا چۆن سەڵاحی دەوێت و مەرجی یاریزانەکە بۆ بارسا چیە؟
یاریگا –
وا دیارە یانەی بارسێلۆنا مکورە لەسەر گواستنەوی محەمەد سەڵاح و بۆ ئەو مەبەستەش چاوەڕێی هاتنی دەرفەتە زێڕینەکەیە تا بیگوازێتەوە بۆ کامپ نو.
سەڵاح لەم هاوینەی دێت گرێبەستەکەی بەسەردەچێت و ئەگەرەکان بەهێزن کە لیڤەرپوول جێدەهێڵێت و درێژی ناکاتەوە.
ئەستێرە میسڕییەکە کە خواستێکی زۆری سعودییەکانی لەسەرە، هێشتا هیچ ئاماژەیەکی روونی نەداوە بۆ یاریکردن لە خولی ئەو وڵاتە خەلیجیە، هەربۆیە چاوەڕواندەکرێت لەدوای بەسەرچوونی گرێبەستەکەشی هەر لە ئەورووپا بمێنێتەوە ئەگەرچی یانەکانی خولی سعودی ئۆفەری خەیاڵیان پێشکەشی کردووە.
چەند رۆژێکە باس لە گرنگیدانی بارسا بووەتە دەنگۆی بەهێز و، وێستگەی داهاتووی سەڵاح بە یانە کەتەلۆنیەکەوە دەبەسترێتەوە.
بەگوێرەی زانیارییەکانی ماڵپەڕی TEAMtalkی ئینگلیزی، بارسێلۆنا چاوی لەوەیە بەبێ بەرامبە گۆڵکارەکەی رێدز بگوازێتەوە و سوود لەو بەسەرچوونی ماوەی گرێبەستەکەی ببینن کە لە میرکاتۆی هاوینەدا یاریزانێکی ئازاد دەبێت. ئەوەش بۆ لایەنی دارایی بارسا کەڵکێکی گەورەی دەبێت کە یانەکە ئێستا بەدەست قەیرانە ماددیەکانەوە دەناڵێنێت.
هەمان سەرچاوە خواستی یاریزانە 32 ساڵانەکەشی ئاشکراکردووە و باس لەوە دەکات سەڵاح مووچەیەکی ساڵانەی دەوێ کە خۆی بدات لە 15 ملیۆن یۆرۆ. ئەوەش واتا 240 هەزاری هەفتانە دوای لێدەرکردنی باج.
🚨 Barcelona are eyeing the free transfer of Mo Salah next summer.
The Liverpool forward wants a salary ‘close to €15m gross per season’ – which is around £240,000-a-week AFTER tax.
(Source: @TEAMtalk) pic.twitter.com/TrUFK613G4
— Transfer News Live (@DeadlineDayLive) November 7, 2024
ناوبراو ئەم وەرزەش بەردەوامە لە درەوشانەوە لەگەڵ لیڤەر، بەجۆرێک لە 10 یاریی پرێمەرلیگ خاوەنی 7 گۆڵ و 5 ئەسێست و، لە چامپیۆنزلیگیش لە 4 یاریی بەشداریکردووە گۆڵێک و 4 ئەسێستی هەیە.
