یاریگا –
ئەڵمانیا لیستی یاریزانە بانگهێشتکراوەکانی بۆ دوو یاریی داهاتووی لە خولی نەتەوەکانی ئەوروپا بڵاوکردەوە و دەنیز ئونداڤ بانگهێشتکراوە.
جولیان ناگلیسمان راهێنەری هەڵبژاردەی ئەڵمانیا لیستی 23 یاریزانە بانگهێشتکراوەکەی بۆ یارییەکانی بۆسنە و هەنگاریا راگەیاندووە، دەنیز ئونداڤ هێرشبەری کوردی یانەی شتوتگارت ناوی لە لیستەکەدا هەیە و بۆ ئەو دوو یارییە بانگهێشتکراوە.
تاوەکو ئێستا هەڵبژاردەی ئەڵمانیا لە نەیشنزلیگ نەدۆڕاوە، 16 ئەم مانگە لە فرایبورگ میوانداری بۆسنیا دەکات و دوای سێ رۆژ، لە بوداپێست دەبێتە میوانی هەنگاریا.
پێشتر تۆڕی ئاتلێتیک بڵاویکردبووەوە، ئۆرتێگا شوێنی یانیس بلاسڤیخ، گۆڵپارێزی رێدبووڵ سالزبوورگ دەگرێتەوە، کە لە خولی نەمسا تووشی پێکان بوو.
Unsere 2️⃣3️⃣ für die beiden anstehenden Nations League-Spiele gegen Bosnien und Herzegowina und Ungarn.#dfbteam #gerbih #hunger pic.twitter.com/xyzIxJCjdL
— DFB-Team (@DFB_Team) November 7, 2024
لیستی یاریزانانی ئەڵمانیا بۆ دوو یاریی داهاتوو لە نەیشنزلیگ:
گۆڵپارێز: ئۆلیڤەر باومان، ئالێکساندەر نوبل، ستیفان ئۆرتێگا.
بەرگری: رۆبن گۆسێنس، بێنجامین هێنریکس، جۆشوا کیمیچ، رۆبن کۆچ، ماکسیمیلیان میتێلستادت، ئەنتۆنیۆ رۆدیگەر، نیکۆ شلۆتێربێک، جۆناتان تاهـ.
ناوەڕاست: رۆبێرت ئاندریخ، جولیان براندت، کریس فوریچ،پاسکال گرۆس، جەمال موسیالا، فێلیکس نمێچا، ئانجێلۆ ستیلەر، فلۆریان فریتز.
هێرشبەر: سێرجی گنابری، کای هاڤێرتز، تیم کلێندێنتس، دەنیز ئونداڤ.
