پریڤیوی یاری پاریس سانجێرمان V ئاتلێتیكۆ مەدرید؛ دوا هەواڵ و پێكهاتەی پێشبینیكراو

یاریگا –

ئەمڕۆ لە یارییەكی دیكەی ئاستبەرزی خولی یانە پاڵەوانەكانی ئەوروپادا دوو یانەی دیكەی زلهێزی ئەوروپا رووبەڕووی یەك دەبنەوە.

وا بڕیارە ئەمڕۆ چوارشەممە كاتژمێر 23:00 بە كاتی كوردستان پاریس سانجێرمان لە نێو یاریگا و هاندەری خۆیدا میوانداری ئاتلێتیكۆ مەدرید بكات، لە میانی یارییەكانی گەڕی چوارەمی چامپیۆنزلیگ.

پڕۆفایلی یاری

پاریس سانجێرمان بە راهێنەرایەتیكردنی لویس ئێنریكێ بە خراپی دەستیان بە وەرزی نوێی چامپیۆنزلیگ كردووە و بە جۆرێك لە سێ یاریدا تەنیا چوار خاڵیان كۆكردووەتەوە.

بە گۆڵێكی بێ وەڵام لە جیڕۆنایان بردەوە و بە ئارسیناڵ دۆڕان و لەگەڵ ئایندهۆڤن یەكسان بوون، بە كۆكردنەوەی چوار خاڵ لە ریزبەندی 23 چامپیۆنزلیگ دێن.

هەروەها ئاتلێتیكۆ مەدریدی دیێگۆ سیمیۆنیش بارودۆخی خراپە و لە سێ یاریدا تەنیا یەك یاری لە لایپزیگ بردەوە و بەرامبەر یانەكانی بێنفیكا و لیل دۆڕا.

بە كۆكردنەوەی تەنیا سێ خاڵ لە ریزبەندی 28 چامپیۆنزلیگ دێن.

هەواڵی پێكانی یاریزانەكان

لە پاریس سانجێرمان هەریەك لە جیانلویجی دۆناروما، گۆنچالۆ رامۆس، كێمبێپێ و لوكاس هێرناندێز بەشداری ناكەن.

دیێگۆ سیمیۆنیش بە بێ هەریەك لە تۆماس لیمار، لی نۆرماند، یۆرێنتی و ئازپیلیكویتا رووبەرووی پاریس دەبێتەوە.

پێکهاتەی پێشبینیکراوی پاریس سانجێرمان

سافۆنۆڤ

حەكیمی، ماركینیۆس، پاچۆ، مێندێس

ڤیتینیا، زایر ئێمری، نێڤێس

باركۆلا، ئاسینسیۆ، دێمبێلی

پێکهاتەی پێشبینیکراوی ئاتلێتیكۆ مەدرید

ئۆبلاك

مۆلینا، خێمینیز، رێنێلدۆ ، ڤیتسێل

دی پاوڵ، كۆكی، باریۆس، لینۆ

گریزمان، ئالڤارێز