پەیامێک لە جەمال موسیالاوە بۆ ریال مەدرید
ئەستێرە ئەڵمانییەکە دوا بڕیار دەدات
یاریگا –
جەمال موسیالا، ئەستێرەی بایرن میونشن پەیامێکی شۆک ئامێز ئاڕاستەی ریال مەدرید و مانچێستەر سیتی دەکات.
بایرن میونشن لە قۆناخی دووەمی جامی ئەڵمانیا 4-0 لە ماینزی بردەوە و موسیالا ئەستێرەیەکی یەکەمی یارییەکە بوو، دوای تۆمارکردنی هاتریک.
بەگوێرەی داتاکانی تۆڕی ئۆپتا، موسیالا دوێنێ یاریی ژمارە 174 لەگەڵ میونشن لە تەواوی پاڵەوانیەتییەکاندا کرد، یەکەمجارە هاتریک بکات و تاوەکو ئێستا 50 گۆڵی بە درێسی بایرن کردووە.
موسیالا لە دوای یارییەکە هەمووان شۆک کرد و مانەوەی لە میونشن دووپاتکردەوە
پێشبینی نوێکردنەوەی گرێبەستەکەم لەگەڵ بایرن میونشن دەکەم، ئێستا لە قۆناخی گفتوگۆداین و زۆر دڵخۆشم لێرە.
One, two, three.
Hat-trick by Jamal Musiala 🔥
— Bayern & Football (@MunichFanpage) October 30, 2024
لە ماوەی رابردوودا، تۆڕی سکای سپۆرتس بڵاویکردبووەوە، میونشن ئامادەیە موسیالا بکاتە خاوەن بەرزترین مووچەی هەفتانە، شان بەشانی هاری کەین هەفتانە بڕی 400 هەزار پاوەند وەربگرێت. بەمەش تەواوی رێگاکان لە بەردەم ریال مەدرید و مان سیتی دادەخات.
بەگوێرەی زانیارییەکانی تۆڕی سکای، میونشن نوێکردنەوەی گرێبەستی موسیالای کردووەتەوە ئەرکی سەرەکی. چونکە نایەوێت سیناریۆی لەدەستدانی دەیڤد ئالابا دووبارە بکاتەوە.
