یاریگا –
کێشمەکێشمە یاساییەکەی نێوان کیلیان ئێمباپێ و پاریس سانجێرمان یەکلابووەوە و یانەکە دەبێت قەرزەکانی ئەو یاریزانە بدات.
دوای رۆشتنی لە پی ئێس جی و پەیوەندیکردنی بە ڕیاڵ مەدریدەوە، کیلیان پێداگری کرد لە وەرگرتنی مووچەکانی مانگی چوار، پێنج و شەش کە نڕەکەی 55 ملیۆن یۆرۆیە. بەڵام یانەکەی پایتەختی فەڕەنسا رەتیکردەوە. دواجار کیلیان پەنای بردە بەر کۆمەڵەی یاریزانە پیشەگەرەکانی فەڕەنسا ناسراو بە LFP.
بەگوێرەی نوێترین زانیاریی کە سەرچاوە جیاوازەکان بڵاویانکردووەتەوە، پی ئێس جی ناچارکراوە بێتە ژێرباری داواکەی ئەستێرە فەڕەنسیەکە و ئەو بڕە ]پارەیە بدات کە ئەستۆیەتی.
🚨 Le PSG va désormais faire appel à la FFF d’après @franceinfo ! https://t.co/Q6UAXCITqd
— Actu Foot (@ActuFoot_) October 25, 2024
پێشتر یانەکەی پایتەختی فەڕەنسا رەتیدەکردەوە ئەو پارەیە بدات و پاساوی جیاوازی دەهێنایەوە.
بۆ وردەکاریی و درێژەی پەڵپی کیلیان ئێمباپێ بۆ وەرگرتنی مووچەکانی، لەم هەواڵەی خوارەوەدا بخوێنەوە:
شەوی رابردوو رۆژنامەی لیکیپی فەڕەنسی ئاشکرایکرد کە یەکێکی یاریزانە پیشەگەرەکانی فەڕەنسا لە بەرژەوەندی ئێمباپێ بڕیاردەدات. هەرواش بوو. ئەوە سەرەرای چەندین هەوڵ بۆ نێوەندگیری لەنێوان هەردوو لایەنی داواکار و داوالێکراوە.
