یاریگا –
ئەمڕۆ ریال مەدرید لە یارییەكی دیكەی خولی ئیسپانیدا دەبێتە میوانی سێلتا ڤیگۆ.
چاوەڕوان دەكرێت ئەمڕۆ شەممە كاتژمێر 22:00 بە كاتی كوردستان سێلتا ڤیگۆ لە یاریگای بالایدۆس میوانداری ریال مەدرید بكات، لە میانی یارییەكانی گەڕی دەیەمی لالیگای ئیسپانیا.
پڕۆفایلی یاری
پاڵەوانی وەرزی رابردووی چامپیۆنزلیگ و لالیگا سەرەتایی وەرزی نوێیان بە بێ دۆڕان دەستپێكردبوو، تاوەكو لە ناوەڕاستی هەفتەی رابردوودا لە یارییەكانی گەڕی دووەمی چامپیۆنزلیگ بەرامبەر لیل بە گۆڵێكی بێ وەڵام دۆڕا.
كوڕانی كارلۆ ئانچێلۆتی وەرزی 2024/25یان بە بردنەوەی نازناوی سوپەری ئەوروپا دەستپێكرد، كاتێك توانیان لە ئاتاڵانتا ببەنەوە، لە لالیگاش بە كۆكردنەوەی 18 خاڵ لە ریزبەندی دووەم دێن و بە جیاوازی سێ خاڵ لە دوای بارسای پێشەنگەوەن.
ریال مەدرید لە لالیگادا بەگۆڵێك لەگەڵ مایۆركا، لاس پاڵماس و ئاتلێتیكۆ یەكسان بوو، لە یانەكانی ڤایادۆلید، ریال بێتیس ، ریال سۆسێداد , ئیسپانیۆل ، ئالاڤێس و ڤیاڕیالی بردەوە.
یانە شاهانەكە بە كۆكردنەوەی 21 خاڵ لە ریزبەندی دووەمی لالیگا دێن و بە جیاوازی سێ خاڵ لە دوای بارسێلۆنای پێشەنگەوەن.
لە بەرامبەردا سێلتا ڤیگۆ لە كۆی نۆ یاری لە چوار یاری براوە بوون و لە هەمان ژمارەی یاریش دۆڕاون و یارییەكیش یەكسان بوون.
بە كۆكردنەوەی 13خاڵ لە ریزبەندی نۆیەمی لالیگا دێن.
هەواڵی پێكانی یاریزانەكان
سێلتا ڤیگۆ بە بێ هەریەك لە دی لا تۆر،ئاسپاس، مۆریبا و گایڵسن رووبەرووی ریال مەدرید دەبێتەوە.
لە بەرامبەردا مەدرید بە بێ كارڤاخال، ئالابا و براهیم دیاز بەرامبەر ڤیگۆ یاری دەكات.
پێکهاتەی پێشبینیکراوی ریال مەدرید
كۆرتوا
مێندی، رودیگەر، میلیتاو، ڤازكوێز
كاماڤینگا، بێڵینگهام، چوامێنی، مۆدریچ
ڤینیسیۆس، ئێمباپێ
پێکهاتەی پێشبینیکراوی سێلتا ڤیگۆ
گوایتا
ئالۆنسۆ، ستارفێڵت، مانكوێلۆ
مینگوێزا، دامیان، بێڵتران، ئالڤارێز
دوران، ئێگلاسیاس، بامبا
