عێراقکوردستانگرنگترینوه‌رزشه‌کانی دیکە
پێنج یاریزانی کورد بۆ جامی کەنداو بانگهێشتی هەڵبژاردەی بالەی عێراق کران
مانگی داهاتوو بەشداریی جامی کەنداو دەکەن
یاریگا –
فیدراسیۆنی بالەی عێراق لیستی یاریزانە بانگهێشتکراوەکانی بۆ جامی کەنداو راگەیاندووە، کە لەکۆی 17 یاریزان پێنج یاریزانی کوردی تێدایە و یەکەمجارە بەو رێژەیە یاریزانی کورد لە لیستەکەدا بن.
هەریەکە لە محەمەد کەریم، ئیبراهیم موزەفەر، مستەفا کاکەجوان، هاومەند فەتاح و سەڵاحەدین شاکر بۆ جامی کەنداو بانگهێشتی هەڵبژاردەی بالەی عێراق کراون کە وەرزی رابردوو ئەو پێنج یاریزانە لەگەڵ هەولێر پلەی دووەمی خولی بالەی عێراقیان بەدەستهێنا.
فیدراسیۆنی تۆپی پێی عێراق رایگەیاندووە، هەڵبژاردەی بالەی عێراق لە تاران کەمپێکی مەشق و راهێنان دەکاتەوە بۆ ئەوەی خۆیان بۆ جامی کەنداو ئامادە بکەن کە سەرەتای مانگی داهاتوو لە بەحرەین بەڕێوە دەچێت.