یاریگا –
سزای سڕکرانی پۆل پۆگبای فەڕەنسی کەمکرایەوە و لە سەرەتای ساڵی نوێ دەتوانێت بگەڕێتەوە.
رۆژنامەی دەیلی مەیل بڵاویکردووەتەوە، دادگای کاس بڕیاریداوە سزای سڕکرانی پۆڵ پۆگبای فەڕەنسی لە چوار ساڵ بۆ 18 مانگ کەم بکاتەوە.
بەمشێوەیە ئەستێرە فەڕەنسییەکە دەتوانێت لە کانوونی دووەم/ یەنایری ساڵی نوێ بگەڕێتەوە مەشقەکانی یوڤێنتوس و لە مانگی ئازار/ مارس یاریی بکاتەوە.
EXCLUSIVE: Paul Pogba has had his four year drugs ban reduced to just 18 months by CAS. He can start training with Juventus from January and start playing matches from March. His initial fine has also been set aside. More on @MailSport
— Sami Mokbel (@SamiMokbel81_DM) October 4, 2024
چیرۆکی یاریزانە تەمەن 31 ساڵانەکە دەگەڕێتەوە بۆ مانگی ئۆگەستی ساڵی رابردوو بە دیاریکراوی لە دوای یارییەکەی یوڤێنتوس و ئودینێزی کە خانمە پیرەکە بە سێ گۆڵی بێ وەڵام براوە بوون و، بەڵام دواتر بە گرتنەبەری ئەنجامدانی پشکنین بۆ پۆگبا، ئەنجامەکان لە مانگی ئۆکتۆبەر بە پۆزەتیڤ گەڕانەوە.
لە کۆتایی مانگی دووی ئەمساڵ دادگای نیشتیمانی بۆ رووبەڕووبوونەوەی ماددە وزەبەخشەکان لە ئیتاڵیا لە دژی پۆڵ پۆگبا بڕیاریدا، بە تۆمەتی بەکارهێنانی ماددەی وزەبەخشی قەدەخەکراو یاریزانەکە سزای چوار ساڵ راگیرانی بەسەردا سەپێنرا.
