یاریگا –
یەکێتی تۆپی پێی ئەوروپا بە فەرمی ناوی باشترینەکانی هەفتەی چامپیۆنزلیگی راگەیاند.
پێکهاتەکە لەلایەن چاودێرانی هونەری یەکێتیهکەوه بڕیاری لێدەدەرێت و ناوی 11 یاریزانیان ئاشکراکرد کە ئەمانەن:
گۆڵپارێز
ئیملیانۆ مارتینێزی ئەستۆن ڤیلا بەهۆی ئاستە سەرسوڕهێنەرەکەی بەرامبەر بایرن میونشن کە کلین شیتی تۆمارکرد و هۆکارێکی سەرەکی بوو له بردنەوەی سێ خاڵی یارییەکە.
بەرگریکاران
– بەرگریکاری لای راست: تیاگۆ سانتۆسی یانەی لیل کە زۆر سەرکەوتووبوو لە رووبەڕووبوونەوەی ڤینیسیۆس جونیۆری ریاڵ مەدرید و هاوتیمەکانی لە مێرەنگی. پاراستنی تۆڕی گۆڵی لیل بە خاوێنی وایکرد یانە فەڕەنسیەکە 3 خاڵەکە ببەنەوە.
– دڵی بەرگری/راست: ریان فلامینگۆ لە یانەی ئایندهۆڤن بەرامبەر تیمە مەترسیدارەکە سپۆرتینگی پۆرتوگالی ئاستێکی نایابی پێشکەشکرد ئەگەرچی یاریەکە 1-1 کۆتایی هات. بەڵام ژمارەکانی ئەو یاریزانە لەبری ئەو قسە دەکەن.
– دڵی بەرگری/چەپ: محەمەد سالیسۆی مۆناکۆ کە تاکە یاریزانی ئەو پێگەیە بوو لە گەڕی دووەمی یاریەکانی چامپیۆنزلیگ توانی گۆڵ تۆماربکات. هۆکارێکی سەرەکی بوو بۆ بردنەوەی خاڵێک لە دینامۆ زیگرەب.
– بەرگریکاری لای چەپ: داڤیدێ زاپاکۆستا لە یانەی ئاتاڵانتا کە رۆڵی هەبوو لە بردنەوەی 0-3 بەرامبەر شاختار. جگە لە لایەنی بەرگریی، هاوکات ئەسیتێک و دوو پاسی یەکلاکەرەوەشی هەبوو لەو یاریەدا.
ناوەڕاستی بەرگریکار: فلۆرێنتینۆ لویس لە یانەی بێنفیکا کە توانیان 4-0 ئاتلێتیکۆ مەدرید تێکبشکێنن. ئەگەرچی گۆڵی نەکرد لەو یاریەدا، بەڵام بەربەستێکی پۆڵایین بوو لەبەردەم هێرشی یانە ئیسپانیەکەدا لەو پێگەیەی خۆی.
– ناوەڕاست: کوینتین تیمبەری ئایندهۆڤن لە بردنەوەی 3-2 بەرامبەر جیرۆنای ئیسپانی رۆڵی سەرەکی گێڕا و هۆکاربوو بۆ هێنانی لێدانی سزا بۆ یانەکەی.
– باڵی راستی یاریگا: کەریم ئادێمی کە هەر لە گێمی یەکەمدا هاتریکی لە دژی سێڵتیک تۆمارکرد لەکۆی ئەو 7 گۆڵەی لە دژی یانە سکۆتلەندیەکە تۆماریانکرد. ناوبراو تەنانەت باشترین یاریزانی گەڕی دووەمیشی بردەوە.
– باڵی چەپ: عەبدوڵا سیما لە یانەی برێستی فەرەنسی کە توانی 2 گۆڵی کۆی 4 گوڵەکەیان لە دژی ساڵزبێرگ تۆماربکات.
هێرشبەران:
رافینیا لە یانەی بارسێلۆنا گوڵێک و ئەسیستێکی هەبوو لەگەڵ پێنج پاسی یەکلاکەرەوە کاتێک بە 5 گۆڵی بێ وەڵام توانیان یۆنگ بۆیز گۆڵباران بکەن.
دوشان ڤیلاهۆڤیچ لە یانەی یوڤێنتوس ئاستێکی نایابی پێشکەشکرد و فریادڕەسی یانەکەی بوو بەهۆی ئەو دوو گۆڵەی کە لە بردنەوەی 2-3 بە 10 یاریزانەوە لە لایپزیگی ئەڵمانیان بردەوە.
Presenting this week's Team of the Week…🌟
📝 Chosen by the UEFA technical observer panel@cryptocom || #UCLTOTW pic.twitter.com/iU7jDtq0Oz
— UEFA Champions League (@ChampionsLeague) October 3, 2024
