چارەنووسی کاماڤینگا بۆ یاریی ئەمشەو یەکلا بووەوە

یاریگا –

کاماڤینگا لە یاریی ئەمشەو بەرامبەر لیل لە چامپیۆنزلیگ سەرەکی دەبێت.

ئێدواردۆ کاماڤینگا ناوەڕاستکاری فەڕەنسی بە تەواوەتی لە پێکانەکەی چاکبووەتەوە و ئەمشەو لە گەڕی دووەمی قۆناخی خول لە چامپیۆنزلیگ بەرامبەر لیل سەرەکی دەبێت، دوێنێ لە فەڕەنسا بەبێ هیچ کێشەیەک مەشق و راهێنانەکانی کرد.

تۆڕی وەرزشی ریلیڤۆی ئیسپانی ئاشکرایکردووە، کارلۆ ئەنچیلۆتی بڕیاریداوە لە یاریی ئەمشەو بەرامبەر لیل بە سەرەکی یاریی بە کاماڤینگا بکات، کە ناوەڕاستکارە فەڕەنسییەکە دوو مانگ لەمەوبەر پێش یاریی جامی سوپەری ئەوروپا تووشی پێکان بوو.

ئەمشەو کاتژمێر 22:00 ریال مەدرید لە فەڕەنسا دەبێتە میوانی لیل کە لە گەڕی یەکەم مەدریدییەکان 3-1 لە شتوتگارتی ئەڵمانیان بردەوە.