فەرمی؛ بارسێلۆنا گۆڵپارێزێکی نوێی گواستەوە
لەمەودوا پۆڵەندییەک تۆڕی گۆڵەکەی بارسا دەپارێزێت
یاریگا –
بەفەرمی ڤۆیچێچ چێزنی گۆڵپارێزی بەناوبانگی پۆڵەندی پەیوەندی بە بارسێلۆنا کرد.
ماڵپەڕی فەرمی بارسێلۆنا بڵاویکردووەتەوە، بەشێوەیەکی فەرمی چێزنی تاوەکو کۆتایی ئەم وەرزە گرێبەستی لەگەڵ یانەکە واژۆ کردووە و ئێستا یاریزانێکی نوێی یانەکەیە.
بەگوێرەی زانیارییەکانی رۆژنامەی موندۆ دیپۆرتیڤۆ، گۆڵپارێزە پۆڵەندییەکە تاوەکو کۆتایی وەرزەکە بڕی 3 ملیۆن یۆرۆ وەک مووچە وەردەگرێت.
Szczęsny ja és culer! 💙❤️ pic.twitter.com/6JakhvCN3b
— FC Barcelona (@FCBarcelona_cat) October 2, 2024
چێزنی لە 27ـی ئاب دوای 15 ساڵ یاریکردن بڕیاریدا کۆتایی بە کاروانی وەرزشی خۆی بهێنێت و لە تەمەنی 34 ساڵی بەیەکجاریی وازهێنانی لە یاریکردن راگەیاند.
بەڵام بەهۆی پێکانی مارک ئاندرێ تێر شتیگنی ئەڵمانی، یانە کاتالۆنییەکە ئۆفەرێکی پێشکەشکرد و یاریزانەکەی لە بڕیارەکەی پاشگەزکردەوە.
چێزنی پێشتر لە ریزی یانەکانی برێنتفۆرد، ئارسێناڵ، رۆما یاریی کردووە و لەوەتەی هاوینی 2017 لە ریزی یوڤێنتۆس یاریی دەکرد، لە کاروانی وەرزشی خۆیدا 11 نازناوی بەدەستهێناوە و لە وەرزی 2013/2014 خەڵاتی دەستەوانەی زێڕینی لە پرێمەرلیگ بەدەستهێنا.
