یاریگا –
مانچێستەر یونایتد دوای نردنەوە گەورەکەی شەوی رابردوو، هەواڵێکی دیکەی خۆشی پێدرا لەبارەی گەڕانەوەی دوو یاریزانی لە پێکان.
مان یو لە جامی یەکێتی یانە پیشەگەرەکانی ئەوروپا توانی 7-0 گۆڵبارانی بارنسلی بکات و دووەم سەرکەوتنی لەدوای یەک لەم وەرزەدا تۆماربکات.
یانە ئینگلیزیەکە هەر لە سەرەتای دەستپێکی وەرزەوە بەدەست زنجیرەیەک پێکان لە ریزەکانیدا دەیناڵاند کە راسموس هۆیلوند و کۆتاییەکانی مانگی رابردووش مەیسن ماونتیش هاتە ریزەوە.
بەگوێرەی ئەو زانیارییەی فابریزۆ رۆمانۆ بڵاویکردووەتەوە، ئەمرۆ هەریەکە لە هۆیلوندی دانیمارکی و ماونتی ئینگلیزی گەڕاونەتەوە بۆ راهێنانەکانی یانەکە و لەگەڵ یاریزانەکانیتردا بەشدارییان کردووە.
🚨🔴 Rasmus Højlund and Mason Mount back in training with Man United squad. pic.twitter.com/XQFV13qm3I
— Fabrizio Romano (@FabrizioRomano) September 18, 2024
بە گەڕانەوەی ئەو دووانە، هێزێکیتر دەگەڕێتەوە بۆ هێڵی پێشەوەی شەیتانە سوورەکان و ئێریک تێن هاخ ئاسوودەییەکی زیاتری دەبێ لەگەڵ بژاردەکانی بەردەستی.
مان یونایتد لەم وەرزەی پرێمەرلیگ لە چوار یاریدا خاوەنی دوو بردنەوە و دوو دۆڕاندنە.
