یاریگا –
ئێمریک لاپۆرت جارێکیتر هاتەوە سەر باسی ژیانکردن لە سعودیە و ئەو زەحمەتیانەی لەو وڵاتە دەیبینێ.
لاپۆرت دوای 12 ساڵ یاریکردن لە ئەوروپا کە دیارترین ماوەکانی لەگەڵ ئاتلێتیک بیڵباو (2012-2018) و مان سیتی (2018-2023) بوو، بە بڕی 23.6 ملیۆن پاوەند گواسترایەوە نەسڕ.
لە نوێترین لێدوانیدا بەرگریکارە ئیسپانییەکە باسی لە ئەگەرەکانی گەڕانەوە بۆ ئەوروپا کرد و هاوکات ئاستەنگیەکانی ژیانکردنیشی لەو وڵاتەی کەنداو خستەڕوو و وتی
لە سعودیە قەرەباڵخیەکی زۆر هەیە و زۆریش گەرمە. وای نابینم دوای تۆپی پێ خێزانەکەم لێرە بژێن، بەڵام ناشزانی چی روودەدات. لێرە شتانێک هەن کە حەزمان لێیە، بەڵام دوورم لە خێزانە گەورەکەم و ئەوەش زۆر قورسە. بۆیە زوو یان درەنگ هەر دەگەڕێمەوە بۆ ئەوروپا.
لاپۆرت کە ئێستا تەمەنی گەشتووەتە 30 ساڵ، یەکێک بوو لە یاریزانە بانگهێشتکراوەکانی ئیسپانیا بۆ یارییەکانی یۆرۆ و وەک خۆی دەڵێ ئەوکات توانجی لێدەدرا بەوەی روویکردووەتە سعودیە بۆ یاریکردن، نەتوانێ ئاستی خۆی پیشانبداتەوە. بەڵام بە بردنەوەی نازناوەکە هاوشانی هاوتیمەکانی ئەو گومانانەی لەسەر خۆی نەهێشت.
🎙️ Aymeric Laporte on a potential return to Europe:
“There is a lot of traffic and it is very hot in Saudi Arabia. I don’t see my family living here after football, but you never know. There are things we like here, but I am far from my extended family and it is difficult.… pic.twitter.com/aPcOD277Bw
— Transfer News Live (@DeadlineDayLive) September 18, 2024
لە ماوەی رابردوودا دەنگۆ هەبوو کە ریاڵ مەدرید ئەو یاریزانەی دەوێ، بەڵام خودی ئێمریک دەنگۆیەکانی رەتکردەوە.
