یاریگا –
ئانتۆنی مارسیاڵ لەگەڵ یانەیەکی دەرەوەی پێنج خولە بەهێزەکەی ئەوروپا گەشتووەتە رێککەوتن و ناوەڕۆکی گرێبەستەکەشی ئاشکراکراوە.
یاریزانە فەڕەنسیەکەی کە لە مۆناکۆی وڵاتەکەیەوە خۆی ناساند، درێژتری ماوەی یاریکردنی لەگەڵ مانچێستەر یونایتد بوو کە نۆ ساڵ (2015-2024) یاریزانی ئەو یانەیە بوو. لەو ماوەیەدا ساڵێک بە خواستن نێردرایە ریزەکانی سێڤییای ئیسپانی. بەڵام چیتر لە پلانەکانی ئێریک تێن هاخدا نەمابووەوە و ئەم هاوینە بە یەکجاریی ئۆڵدترافۆردی جێهێشت.
بەگوێرەی زۆرێک لە سەرچاوە باوەڕپێکراوەکان، ناوبراو لەگەڵ یانەی ئایک ئاسینا گەشتووەتە رێککەوتن و وەک یاریزانێکی ئازادە روودەکاتە یۆنان.
بڕی مووچەی ساڵانە و ماوەی گرێبەستەکەی ئاشکراکراوە کە بۆ هەر ساڵێک 2.5 ملیۆن یۆرۆیە و تا ساڵی 2027 دەخایەنێ.
🚨 Anthony Martial will earn €2.5m-a-year on a contract until 2027 at AEK Athens.
(Source: @sebnonda) pic.twitter.com/8Dr0jJmN2p
— Transfer News Live (@DeadlineDayLive) September 17, 2024
یاریزانە فەڕەنسییەکەی یەکێکە لەو یاریزانانەی هەرزوو خۆری لە پێنج خولە بەهێزەکەی ئەوروپا ئاوابوو. ناوبراو بە هیوایەکی زۆرەوە روویکردە مانچێستەر بەڵام لەوەتەی وەرزی 2020/21 ئاستی بەشێوەیەکی بەرچاو دابەزی. هەر بۆیە ناچاربوو لە تەمەنی 28 ساڵیدا وێستگەیەکی دیکە بۆ درێژەدان بە کاروانی وەرزشیی بدۆزێتەوە.
