یاریگا –
هەواڵی نوێ گەشت بە ئارنە سڵۆتی راهێنەری لیڤەرپوول سەبارەت بە دۆخی پێکانەکەی ئالێکس ماک ئالیستەر کە لە یاری رابردووی ئەرجەنتین تووشی هات.
ناوەڕاستکارەکە لە پاڵاوتنەکانی مۆندیال گۆڵی یەکەمی کۆی سێ گۆڵی هەڵبژاردەکەی تۆمارکرد بەرامبەر چیلی، بەڵام لە خولەکی 79 بە ناچاری گۆڕانکاری پێکرا بەهۆی پێکانەوە. ئەوەش گومانی دروستکرد لەسەر ئامادەبوونی بۆ یاریی داهاتووی تانگۆ و هەروەها یارییەکانی لیڤەرپوولیش.
بەگوێرەی نوێترین زانیاریی کە فاربریزۆ رۆمانۆ لە سەرچاوی TyC ئەرجەنتینیەوە وەریگرتووە، پێکانی ئالیستەر مەترسیدار و مایەی نیگەرانیی نییە. بەگوێرەی پلانەکان، بۆ هەفتەی داهاتوو لە دۆخێکی جەستەیی شیاودا دەبێت.
وەک رۆمانۆ بڵاویکردووەتەوە، ئالیستەر لەگەڵ تیمەکەی لیۆنێل سکالۆنی گەشتی کۆڵۆمبیا دەکات بۆ هەشتەم یاریی خۆیان لە میانی پاڵاوتنەکاندا.
🔴🇦🇷 Alexis Mac Allister’s injury is not serious or worrying, he’s expected to be fit next week as planned.
He’s travelling with Scaloni’s squad for Argentina next game, as TyC Sports reported. pic.twitter.com/cPgmXkm5hm
— Fabrizio Romano (@FabrizioRomano) September 8, 2024
دیار نیە کە سکالۆنی بەشداری بەو یاریزانە دەکات یاخود نا. بەڵام نەگەڕاندنەوەی بۆ لیڤەرپوول ئاماژەیەکی ئەرێنیە کە ئالێکس مەترسی لەسەر نییە.
لیڤەرپوول وەرزەکەی لە پرێمەرلیگ بە سێ بردنەوە دەستپێکردووە و شەممەی داهاتووش کوڕانی ئارنە سڵۆت دەبنە میوانی نۆتینگهام فۆرێست.
