تەواو؛ کۆپمێینەرس پەیوەندی بە یوڤێنتوس کرد
یاریگا –
بەشێوەیەکی فەرمی تیۆن کۆپمێینەرسی هۆڵەندی پەیوەندی بە یوڤێنتوس کرد.
ماڵپەڕی فەرمی یوڤێنتوس بڵاویکردووەتەوە، بەفەرمی یانەکە گرێبەستی لەگەڵ ئەستێرەی پێشووی یانەی ئاتاڵانتای ئیتاڵی تیۆن کۆپمێینەرسی واژۆ کردووە و ئێستا یاریزانێکی نوێی یوڤێیە.
Ufficiale | Teun Koopmeiners è un nuovo giocatore della Juventus 🤍🖤
Benvenuto! 🇳🇱
— JuventusFC (@juventusfc) August 28, 2024
گرێبەستی ئەستێرە هۆڵەندییەکە لەگەڵ خانمە پیرەکە بۆ ماوەی 5 وەرز و تا هاوینی 2029 دەبێت، تێچووی گرێبەستەکەش 52 ملیۆنە لەگەڵ 7 ملیۆن یۆرۆی دیکەی زیادکراو بەگوێرەی ئاستی یاریزانەکە.
کۆپمێینەرس (26 ساڵان) لە سەرەتای ئەم هاوینەوە لەپێناوی پەیوەندیکردنی بە ریزەکانی یوڤێنتۆس لە یانەکەی یاخیببوو، بایکۆتی مەشق و راهێنانەکان و یارییەکانی ئاتاڵانتای کردبوو.
دوای ئەوەی ئاتاڵانتا ئۆفەری یەکەمی یۆڤی رەتکردەوە کە بریتی بوو لە 50 ملیۆن یۆرۆ + 5 ملیۆن یۆرۆ، یۆڤی ئۆفەرەکەی بۆ 52 ملیۆن یۆرۆ + 7 ملیۆن یۆرۆ پاداشتی دارایی بەرزکردەوە و دواجار ئاتاڵانتای رازیکرد دەستبەرداری ناوەڕاستکارە هۆڵەندییەکەی بێت.
سێ ساڵ لەمەوبەر ئاتاڵانتا بەرامبەر 14 ملیۆن یۆرۆ کۆپمێینەرسی لە ئەلکەماری هۆڵەندییەوە گواستەوە ریزەکانی، بە درێسی ئاتاڵانتا لە 129 یاری 29 گۆڵ و 15 ئەسیستی کردووە.