بەفەرمی ساندەر بێرگ پەیوەندی بە فولهام کرد

یاریگا –

بەشێوەیەکی فەرمی یانەی فولهام ساندەر بێرگی گواستەوە ریزەکانی.

ماڵپەڕی فولهام بڵاویکردووەتەوە، یاریزانی پێشووی بێرنلی، ساندەر بێرگی نەرویجی گرێبەستێکی درێژخایەنی لەگەڵ فولهام واژۆ کردووە و ئێستا ڤایکینگێکی نوێی یانەکەیە.

فولهام لە بەرامبەر گواستنەوەی ساندەر بڕی 20 ملیۆن پاوەند بە یەکجاری و 5 ملیۆن پاوەندیش بەشێوەی زیادکراو بە بێرنلی دەدات.

گرێبەستی ناوەڕاستکارە تەمەن 26 ساڵانییەکە لەگەڵ فولهام بۆ 5 وەرز و تا هاوینی 2029 دەبێت، بژاردەی نوێکردنەوەی بۆ وەرزێکی دیکەشی لەگەڵدایە.

ساندەر لە هاوینی رابردوو بەبڕی 13.90 ملیۆن یۆرۆ لە شێفڵد یونایتدەوە پەیوەندی بە بێرنلی کرد، لە وەرزی رابردوو بە درێسی بێرنلی لە سەرجەم پاڵەوانێتییەکان بەشداری 40 یاریی کرد. 2 گۆڵی کرد و 2 گۆڵی دروستکرد.

Han er her! 🇳🇴 pic.twitter.com/C7XXZeNGJx

— Fulham Football Club (@FulhamFC) August 22, 2024