یانەیەکی ئیتاڵی نایەوێ خۆری سانچێز لە ئەوروپا ئاوابێت و گرێبەستی فەرمییان پێشکەشکرد
یاریگا –
دیارە هێشتا کاروانی ئالێکسیس سانچێز لە ئەورووپا کۆتایی نەهاتووە و لەلایەن یانەیەکی خولی ئیتاڵیەوە گرێبەستی فەرمی پێشکەشکرا.
یاریزانە چیلیەکە یەکەم کاروانی لە کیشوەری ئەورووپا لەگەڵ یانەی ئۆدینێزی دەستپێکرد لە 2006-2011. لەو یانەوە خۆی ناساند و تا دەرکەوتنی لە یانە گەورەکانی وەک بارسێلۆنا، ئارسیناڵ، مانچێستەر یونایتد، ئینتەر میلان و مارسیلیا و دوایین ئەزموونیشی لەگەڵ ئینتەر بوو کە پارساڵ نازناوی سێریائەی بردەوە.
بەگوێرەی زانیارییەک کە فابریزۆ رۆمانۆ بڵاویکردووەتەوە، یانەی ئودینێزی بە فەرمی ناوەڕۆکی گرێبەستیان بۆ یاریزانە چیلیەکە ناردووە تا بیگەڕێننەوە یانەکەیان.
⚪️⚫️🇨🇱 Udinese have sent their formal contract proposal to Alexis Sánchez to bring him back to the club.
Sánchez, available as free agent and set to make final decision soon. pic.twitter.com/SVWNmKqnmX
— Fabrizio Romano (@FabrizioRomano) August 5, 2024
ناوبراو کە ئێستا تەمەنی 35 ساڵە، بژاردەیەکی باشە بۆ ئودینێزی بەوپێیە ئێستا سانچێز یاریزانێکی ئازادە و جگە لە مووچە، تێچووەکەی هیچ بڕەپارەیەک نابێت.
ئالێکسیس وەرزی رابردوو لە 33 یاریدا لە خول بەشداریپێکرا و توانی دوو گۆڵ بکات. گەڕانەوەی بۆ یانەکەی یەکەمی کە ریزبەندی 15 بوون وەرزی رابروو، هێزێکی باش دەبێت بۆ هێڵی پێشەوە بە سوودوەرگرتن لەو ئەزموونە زۆرەی لە ئەورووپا هەیەتی.
