بەفەرمی گورگەکانی ئیتالیا هێرشبەرێکیان گواستەوە
یاریگا –
بەشێوەیەکی فەرمی ئارتم دۆڤبیکی ئوکراینی پەیوەندی بە یانەی رۆمای ئیتالی کرد.
ماڵپەڕی فەرمی رۆما بڵاویکردووەتەوە، بەفەرمی مارتم دۆڤبیکی هێرشبەری پێشووی یانەی جیرۆنا پەیوەندی بە رۆما کردووە و ئێستا یاریزانێکی نوێی یانە ئیتالییەکەیە.
🤝 Benvenuto alla Roma, Artem Dovbyk! 🐺#ASRoma pic.twitter.com/5FfwrcgdIs
— AS Roma (@OfficialASRoma) August 2, 2024
گرێبەستی هێرشبەرە ئۆکراینییەکە لەگەڵ رۆما بۆ پێنج وەرز دەبێت و تا هاوینی 2029 یاریی بۆ یانەکە دەکات. لە بەرامبەر گواستنەوەی ئارتم رۆما 35 ملیۆن یۆرۆی خەرجکردوو.
هەر بەپێی مەرجێکی گرێبەستەکە، لە داهاتوو یانە ئیتالییەکە یاریزانەکە بەهەر یانەیەک بفرۆشێت %10 پارەکەی بۆ یانەی جیرۆنا دەبێت.
دۆڤبیک گۆڵکاری وەرزی رابردووی لالیگایە، لەکۆی 36 یاری خولەکە 24 گۆڵی بۆ یانەکەی کرد و 8 گۆڵیشی دروستکرد. لە سەرجەم پاڵەوانێتیەکانیش بەشداری 39 یاریی کرد، 24 گۆڵ و 10 ئەسیستی هەبوو.
هاوکات لەدوای کریستیان ڤێری کە لە ساڵی 1998 لە ئاتلێتیکۆ مەدریدەوە پەیوەندی بە لازیۆ کرد. یەکەمجارە گۆڵکارێکی لالیگا پەیوەندی بە یانەیەکی ئیتالی دەکات.
Signed, sealed, delivered. ✍️🇺🇦#ASRoma pic.twitter.com/8YgEccqrOQ
— AS Roma English (@ASRomaEN) August 2, 2024
