یاریزانێكی رێنس ئامانجی بایرنه و یه‌كه‌م ئۆفه‌ریشی ره‌تكرایه‌وه
یاریگا –
یانەی بایرن میونشنی ئەڵمانی به‌فه‌رمی ئۆفەرێکی پێشکەشی یانه‌ی رێنس كردووه بۆ ئەوەی دیزێری دو یاریزانی باڵی تەمەن 19 ساڵ بگوازێته‌وه ریزه‌كانی.
رۆژنامەی لۆ پاریزیانی فەرەنسی رایگەیاند، یانە باڤارییەکە ئۆفەرێکی بەبڕی 35 ملیۆن یۆرۆ پێشکەشی رێنس كردووه،به‌ڵام یانه‌ی رێنس كارگێری بایرنی ئاگادارکردووەتەوە به‌م ئۆفه‌ره رازینین و بەکەمتر لە 60 ملیۆن یۆرۆ ده‌ستبه‌رداری یاریزانه‌كه نابن.
🚨🔴 Désiré #Doué can really imagine to join FC Bayern already this summer!
Concrete talks with Bayern took place. He’s on the list for weeks as revealed. Bayern would like to secure the 19 y/o top talent from Stade Rennes already this summer. Because the plan for Doué is a… pic.twitter.com/odUoRDK0jj
— Florian Plettenberg (@Plettigoal) July 12, 2024
دیزێری دو لەلایەن زۆرێک لە یانە گەورەکانەوە گرنگی پێدەدرێت، یانەی رێنیش هەوڵدەدات ئەو بابەتە بقۆزێتەوە بۆ ئەوەی باشترین ئۆفەر بەدەستبهێنێت.
رێنس له ساڵانی رابردوو ه پاره‌یه‌كی زۆر ده‌ستبه‌رداری چه‌ند یاریزانێكی بۆ یانه گه‌وره‌كانی ئه‌وروپا بوو، وەک عوسمان دێمبلی کە بە بڕی 35 ملیۆن یۆرۆ ڕووی لە یانەی بروسیا دۆرتمۆند کرد، هەروەها ئێدواردۆ کاماڤینگا کە تێچووی گواستنەوەی بۆ ڕیاڵ مەدرید بوو 31 ملیۆن یۆرۆ.
رۆژنامه‌كه ئاماژه‌ی به‌وه‌كردووه، یانه‌ی بایرن میونش جارێكی دیكه هه‌وڵده‌دات گفتوگۆ له‌گه‌ڵ یانه‌ی رێنس بكاته‌وه، بۆ ئه‌وه‌ی بتوانن بگه‌نه رێكه‌وتن یاریزانه‌كه درێسی یانه‌ی بایرن میونشن بپۆشێت.
