یاریگا –
ئالڤارۆ مۆراتا نایەوێ بەبێ دەستکەوت ماڵئاوایی یەکجارەکی لە یانەکەی منداڵی بکات و چاوی لە بردنەوەی نازناوە لەگەڵ رۆخی بلانکۆس.
مۆراتا بۆ یەکەمین جار لە ساڵی 2005-2007 لە ئەکادیمیای یانەکە دەستی بە یاریکردن کرد کاتێک هێشتا تەمەنی 12 ساڵ بوو. دواتر لە یانەکانی خیتافی و پاشان ریاڵ مەدرید برەوی بە تواناکانی دا و تا یەکەم کاروانی پیشەگەرێتی لەگەڵ ریاڵ لە 2010 دەستپێکرد.
هێرشبەرە ئیسپانییەکە کە ئێستا ئامانجی ئەیسی میلانە، بە گوێرەی زانیارییەکانی رۆژنامەی کۆرێری دێلۆ سپۆرتی ئیتاڵی دەیەوێ بە باشی بابەتی پەیوەندیکردن بە میلانەوە هەڵسەنگێنێت. پێشتریش رایگەیاندبوو کە دەیەوێ لەگەڵ ئاتلێتیکۆ بمێنێتەوە تاوەکو نازناوێکیان لەگەڵدا دەباتەوە.
🚨 Alvaro Morata is weighing up whether to join AC Milan, with the 31-year-old having said he would stay at Atletico Madrid until he won something with them.
(Source: Corriere dello Sport ) pic.twitter.com/JfOwxj1k3b
— Transfer News Live (@DeadlineDayLive) July 7, 2024
ناوبروا ئەزموونی لە خولی ئیتاڵی هەیە و لە دوو ماوەی جیاوازدا یاریی بۆ یوڤێنتوسی ئەو وڵاتە کردووە.
خواستی مۆراتا بۆ بردنەوەی نازناو لەگەڵ یانە مەدریدیەکە هەروا بێ هۆکار نییە. ئەو کە ئێستا تەمەنی 31 ساڵە، پێشتر لەو یانانەی یاری بۆ کردوون، وەک ریاڵ مەدرید، یۆڤی و چێڵسی بەبێ دەستکەوت جێی نەهێشتوون. ئەوانە و تەنانەت لەگەڵ ئیسپانیایش خاوەنی نازناوە.
مۆراتا ئێستا لەگەڵ هەڵبژاردەی وڵاتەکەیەتی لە یاری پێش کۆتایی یۆرۆ و توانیویەتی گۆڵێک بکات لەو پاڵەوانێتیە.
