یاریگا –
ریال مەدرید چاوەڕێی هاتنی ئێندریک، ئەستێرەی لاوی بەڕازیلی بۆ ریزەکانی دەکات.
بڕیارە دوای تەواوبوونی یارییەکانی کۆپا ئەمێریکا، ئێندریک پەیوەندی بە ریال مەدرید بکات و لەگەڵ کیلیان ئێمباپێ، هێزێکی زیاتر بە هێڵی پێشەوە بدەن.
ماریۆ کۆرتێگانا، رۆژنامەنووسی ئیسپانی لە پلاتفۆڕمی ئێکس روونیکردووەتەوە، ئێندریک لە 21 مانگی داهاتوو، لە مەدرید دەبێت، بڕیارە لە 26ی هەمان مانگ، بە میدیاکان بناسێندرێت.
⚡️Endrick will sign his contract with Real Madrid on 21 July and is expected to be unveiled on 26 July
Both events will be in Madrid, with the Bernabéu as an option for the presentation with fans
He will then join the team in the US tour@TheAthleticFChttps://t.co/h70b0gXcDz
— Mario Cortegana (@MarioCortegana) June 23, 2024
هەرچەندە ریال مەدرید گەشتێکی ئامادەکاری وەرزی لە ویلایەتە یەکگرتووەکانی ئەمریکا هەیە، بەڵام زۆربەی راپۆرتەکانی رۆژنامەوانی باس لە ئامادەبوونی ئێندریک لە سانتیاگۆ بێرنابیۆ دەکەن، دوای ناساندنی بە میدیاکان، بە تەنیا گەشتی ئەمریکا دەکات.
رۆژنامەنووسە ئیسپانییەکە روونیکردووەتەوە، ئێندریک درێسی ژمارە 16 لەگەڵ ریال مەدرید دەپۆشێت.
