یاریگا-
دوای کۆتایی هاتنی وەرزی 2023-2024 گرێبەستەکەی فێدریکۆ کیێزا لەگەڵ یۆڤێنتۆس کۆتایی هات.
کیێزا لە کۆتاییەکانی ساڵی 2020 بەشێوەی خواستن و بە مووچەی تەنیا 3 ملیۆن یۆرۆ پەیوەندی بە ریزەکانی خانمە پیرەکەوە کرد، دوای پێشکەشکردنی ئاستێکی نمونەیی، ساڵی 2022 یانەی یۆڤێنتۆس گرێبەستەکەی کرد بە هەمیشەیی بۆ ماوەی دوو ساڵ.
فابریزۆ رۆمانۆی رۆژنامەنوس سەبارەت بە داهاتووی کیێزا رایگەیاند:
دوای یۆرۆی 2024 کیێزا لەگەڵ یۆڤێنتۆس گفتوگۆ لەسەر داهاتووی دەکات، لەم قۆناغەدا هیچ دانوستانێک لەسەر گرێبەستی نوێ نیە، یۆڤێنتۆس ئامادەیە بۆ هەموو پێشنیارێک، بەڵام کیێزا تاوەکو دوای یۆرۆ هیچ بڕیارێک نادات.
کیێزا لەگەڵ یۆڤێنتۆس 131 یاری ئەنجامداوە، توانیویەتی 32 گۆڵ بکات و 23 گۆڵ دروست بکا.
