یاریگا –
سێ هاندەری یانەی ڤاڵێنسیای ئیسپانی بەهۆی ڤینیسیۆس جونیۆر بەقورسی سزا دەدرێن.
ماڵپەڕی فەرمی لالیگا بڵاویکردووەتەوە، بەهۆی رەگەزپەرستی و سوکایەتیکردن بە ڤینیسیۆس جونیۆر بەفەرمی سێ هاندەری یانەی ڤاڵێنسیا بۆ ماوەی 8 مانگ زیدانی دەکرێن، تا دوو ساڵی دیکەش بۆیان نییە لە یاریگا بینەری هیچ یارییەک بن.
✅LALIGA logra la primera sentencia condenatoria en España por insultos racistas en el fútbol.
🧑⚖️Se ha impuesto a los tres culpables que insultaron a @vinijr en Mestalla una pena de 8 meses de prisión y la imposibilidad de acceder a un estadio durante 2 años.
— LALIGA Corporativo (@LaLigaCorp) June 10, 2024
لە 21ـی ئازاری ساڵی 2023، لە یاری نێوان ڤاڵێنسیا و ریال مەدرید لە یاریگای مێستایا هاندەرانی ڤاڵێنسیا درووشمی رەگەزپەرستییان بەرامبەر بە ڤینسیۆس جونیۆری ئەستێرەی ریال مەدرید بەکارهێنا، بەو هۆیە ئاژاوە درووستبوو، یارییەکە بۆ ماوەیەک وەستێنرا.
دواتر ریال مەدرید و لالیگا لە دادگای ئیسپانیا سکاڵایان لەسەر سێ کەس تۆمارکرد، پۆلیسی ئیسپانیا بەخێرایی ناسنامەی هەرسێ کەسەکەی دیاریکرد و دەستگیرکران.
دوای بەڕێوەچوونی چەند گەڕێکی دادگایی کردنی تۆمەتبارەکان، دادگا سزای ساڵێک زیدانی بۆ دەکرکردن، بەڵام دواتر سزاکەی بۆ هەشت مانگ کەمکردەوە، وە بۆ ماوەی سێ ساڵ خرانە لیستی رەشی هاندەران بەڵام دواتر ئەو سزایەش بۆ دوو ساڵ کەمکرایەوە.
هاوکات خاڤیێر تێباسی سەرۆکی لالیگا دوای دەرچوونی بڕیاری دادگا پەیامێکی بڵاوکردووەتەوە و دووپاتی دەکاتەوە، کە بەتوندی دژی دیاردەی رەگەزپەرستی دەوەستنەوە.
ئەم بڕیارە هەواڵێکی گەورەیە سەبارەت بە بەرەنگاربوونەوەی دیاردەی رەگەزپەرستی لە ئیسپانیا، ئەو هەڵەیە راستدەکاتەوە کە بەرامبەر بە ڤینیسیۆس جونیۆر کراوە، پەیامێکی روونیش بۆ ئەو کەسانە دەنێرێت کە دەیانەوێت لە یاریگاکان درووشمی رەگەزپەرستی بەکاربهێنن.
تێدەکەم کە زۆر کەس تا کاتی دەرچوونی سزاکان نیگەران بوون، بەڵام ئەمە ئەوە دەسەلمینێت لە ئیسپانیا یاسا سەروەرە، ئێمەش وەک لالیگا تەنیا دەسەڵاتی ئەوەمان هەیە سکاڵا لەسەر تۆمەتباران تۆماربکەین، بەڵام داوا دەکەین دەسەڵاتی ئەوەمان پێبدرێت راستەوخۆ خۆمان سزاکان دەربکەین، تا رووبەڕووبوونەوەی دیاردەی رەگەزپەرستی خێراتر بکەین.
