یاریگا –
وادەی راگەیاندنی گرێبەستی یوڤێنتۆس و تیاگۆ مۆتا ئاشکرابوو، ئەم هەفتەیە یانە ئیتاڵییەکە بەفەرمی گرێبەستی راهێنەرە نوێیەکەی رادەگەیەنێت.
فابریزیۆ رۆمانۆ رۆژنامەنووسی ئیتاڵی ئاشکرایکردووە، ئەم هەفتەیە یوڤێنتۆس گرێبەستی راهێنەرە نوێیەکەی رادەگەیەنێت و تیاگۆ مۆتا بەفەرمی بۆ ماوەی سێ ساڵ دەبێتە راهێنەری بیانکۆنێری.
🚨⚪️⚫️ Understand Juventus plan for Thiago Motta’s formal contract signing is confirmed for next week.
It will take place between Tuesday and Wednesday.
Contract until June 2027, confirmed. 🤝🏻 pic.twitter.com/u8GFqmtsTM
— Fabrizio Romano (@FabrizioRomano) June 9, 2024
پێشبینی دەکرێت رۆژی سێشەممە یان چوارشەممە یوڤێنتۆس بەفەرمی گرێبەستی تیاگۆ مۆتا رابگەیەنێت و مۆتا تا ساڵی 2027 دەبێتە راهێنەری یانە ئیتاڵییەکە، کە وەرزی رابردوو بۆیەکەمجار لە مێژوودا بۆلۆنیای گەیاندە چامپیۆنزلیگ.
تیاگۆ مۆتا (41 ساڵ) شەش ساڵ لەمەوبەر لە تیپی لاوانی پاریس سانجێرمان دەستی بە کاری راهێنەرایەتی کرد و راهێنەرایەتی یانەکانی جێنەوا و سپێزیا و بۆلۆنیای کردووە، ئەم وەرزە لە سێریا ئەی لە 37 یاری 18 بردنەوەی بەدەستهێناوە و 68 خاڵی کۆکردووەتەوە.
