یاریگا –
گواستنەوەی کیلیان ئێمباپێ هەروا بێ سەرئێشە نابێت بۆ ریاڵ مەدرید، بەتایبەت لە رووی وادە و کاتی ناساندنیەوە.
ئێستا کە تەمومژ نەماوە لەسەر چوونی ئێمباپێ بۆ ریاڵ، بەڵام وادەی ناسینی ناوبراو وەک یاریزانی نوێی مێرەنگی لەنێو یاریگای سانتیاگۆ بێرنابیۆ، دژیەکی دروستکردووە بەتایبەت لەنێوان دیدیە دیشا و بەرپرسانی یانە شاهانەکە.
بەگوێرەی زانیارییەکانی رۆژنامەی ئاسی ئیسپانی، مەدرید دەیانەوێ لەدوای یاریی کۆتایی چامپیۆنزلیگ کە لە 1ی مانگی داهاتوو بەڕێوە دەچێت، کیلیان لەنێو سانتیاگۆ بێرنابیۆ بە هاندەرانیان بناسێنن، بەڵام چاوەڕوان دەکرێت دیشای راهێنەری فەرەنسا پێچەوانەی ئەو نیازە بوەستێتەوە.
🚨 Real Madrid wants to present Kylian Mbappé at the Santiago Bernabéu after the Champions League final, but Didier Deschamps is expected to refuse! 😬
The timing is tight and he will already be with the French team to prepare for the EUROs.
(Source: @diarioas) pic.twitter.com/TwHtMBH56f
— Transfer News Live (@DeadlineDayLive) May 24, 2024
نیگەرانیەکانی دیشا بەهۆی نەبوونی کاتی پێویستەوەیە بۆ خۆئامادەکردن بۆ یارییەکانی یۆرۆی 2024 کە 14ی مانگی داهاتوو دەستپێکیەتی. دوای 3 رۆژیش فەرەنسا لە یەکەم تاقیکردنەوەیاندا بەرانبەر هەڵبژاردەی نەمسا یارییان هەیە.
