یاریگا –
سعودیەکان لە نیازیان بۆ گواستنەوەی برونۆ فێرناندێس چیتر خەیاڵ ئاسوودە نابن و رکابەرێکی بەهێزیان لێ پەیدا بووە.
چەند رۆژێکە میدیای بەریتانی باس لە هەوڵی بەرپرسانی خولی ئەو وڵاتە خەلیجیە دەکەن بۆ پەلکێشکردنی فێرناندێس. بەڵام تا ئێستا هیچ ئاماژەیەک لە مانچێستەر یونایتد و خودی یاریزانەکەشەوە بە ڕوونی نەبینراوە.
بەگوێرەی نوێترین پێشهات، میگێل دێلانێی رۆژنامەنووس لە ئیندیپێندێتی ئینگلیزی بڵاوی کردووەتەوە یانەی بایرن میونشن ناوەڕاستکارەکەی یونایتدی دەوێ.
Bayern Munich want Bruno Fernandes
– feeling United may do business as they need sales to meet PSR for overhaul
– player struck by sense of drift
– a sign Tuchel may yet stay as he wanted a number-6 and playmakerhttps://t.co/yPLEKg9vZN— Miguel Delaney (@MiguelDelaney) May 14, 2024
ئەو رۆژنامەنووسە بە چەند ڕوونکردنەوەیەک پاڵپشتی زانیارییەکەی کردووە کە دیارترینیان ئەمانەن:
- مانچێستەر یونایتد دەوێ لەم نێوەندەدا جموجۆڵێکی فرۆشیی بکات بۆ پێکهاتنەوەی لەگەڵ یاسای (سوود و بەردەوامی) لە پرێمەرلیگ و لەپێناو چاکسازییەکی گشتگیردا
- خودی یاریزانەکە هەست دەکات وردە وردە کاتی رۆیشتنی هاتووە
- تۆماس توخێلی راهێنەری بایرن کە وا دیارە دەمێنێتەوە لە یانەکە، پێویستی بە یاریزانێکە لە پێگەی ژمارە 6ی یاریگا و یاریسازێک کە
برونۆ فێرناندێس کە تا هاوینی 2026 گرێبەستی لەگەڵ مان یونایتد هەیە، ئەم وەرزە ئاستی خۆی پێشکەش نەکردووە.
ئۆفەری سعودییەکان خەیاڵییە و باس لە 100 ملیۆن یۆرۆ دەکرێت، ئەوەش بڕە پارەیەکە رەنگە بەرپرسانی مان یو قایل بکات بە فرۆشتنی. بەڵام ویستی خودی یاریزانەکە لەلایەکیترەوە ئەوە بێت هەر خولە گەورەکانی ئەوروپا بمێنێتەوە و بایرن هەڵبژێرێت. هەر بۆیە هاوینێکی پر لە مامەڵە و ئۆفەری جیاواز چاوەڕیی مانچێستەر دەکات.
