ئەستێرەیەكی مانچێستەر یونایتد پەیوەندی بە سعودیەوە دەكات
یاریگا –
راپۆرتە رۆژنامەوانیەكان ئاشكرایانكرد برۆنۆ فێرناندێس ئەستێرەی پۆرتوگالی یانەی مانچێستەر یونایتدی ئینگلیزی پەیوەندی بە خولی رۆشنی سعودیەوە دەكات.
گرێبەستەكەی برۆنۆ فێرناندێسی تەمەن 29 ساڵان لەگەڵ مانچێستەر یونایتد لە هاوینی ساڵی 2026 بەسەردەچێت.
برۆنۆ لە گواستنەوەكانی زستانەی ساڵی 2020 لە سپۆرتینگ لشبۆنەوە بە بەهای 65 ملیۆن یۆرۆ پەیوەندی بە ریزەكانی مانچێستەر یونایتدەوە كرد.
🚨 Bruno Fernandes is considering leaving Manchester United this summer and Saudi Arabia are expected to declare their interest in signing him. 🇸🇦🔜
(Source: @ncustisTheSun) pic.twitter.com/ZeDqaUtRPr
— Transfer News Live (@DeadlineDayLive) May 14, 2024
بەپێی زانیارییەكانی زەسەن، لە گواستنەوەكانی هاوینەدا برۆنۆ فێرناندێس یەكەم گرێبەستی یانەی نەسری سعودی دەبێت.
ئەم وەرزە بە راهێنەرایەتیكردنی ئێریك تێن هاخ خراپترین وەرزی ئەستێرە پۆرتوگالییەكە لە كاروانی وەرزشیدا بوو.
لەم وەرزەدا لە سەرجەم پاڵەوانیەتیەكان 40 یاری كردووە و توانیویەتی 12 گۆڵ بكات و 9 گۆڵیش درووست بكات.
لەو كاتەوەی پەیوەندی بە شەیتانە سورەكانەوە كردووە، برۆنۆ بەشداری لە 229 یارییدا كردووە و توانیویەتی 79 گۆڵ بكات.
