یاریگا –
راپۆرتە رۆژنامەوانیەكان ئاشكرایانكرد، یانەی لیڤەرپوولی ئینگلیزی نرخی محەمەد سەڵاحی میسڕی و ئەستێرەی یانەكەی دیاریكرد.
گرێبەستەكەی سەڵاح لەگەڵ رێدز لە هاوینی ساڵی 2025 بەسەردەچێت.
لە یاری رابردووی لیڤەرپوول بەرامبەر وێستهام، كێشە لە نێوان محەمەد سەڵاح و یۆرگن كڵۆپ درووست بوو، دوای ئەوەی راهێنەرە ئەڵمانییەكە وەك یاریزانی یەدەك بەشداری بە یاریزانەكە كرد.
🎥 اللقطة الكاملة من المدرجات لخلاف يورغن كلوب ومحمد صلاح قبل هدف وست هام#الدوري_الإنجليزي_الممتاز | #ليفربول #PremierLeague pic.twitter.com/RvaPQgYS0C
— beIN SPORTS (@beINSPORTS) April 27, 2024
بەپێی زانیارییەكانی تۆڕی فوتبۆڵ ئینسایدەر، لیڤەرپوول ئامادەیە دەستبەرداری محەمەد سەڵاح ببێت، ئەگەر ئۆفەرێك لە نێوان 100 بۆ 150 ملیۆن پاوەندی پێشكەش بكرێت.
لە راپۆرتەكەشدا هاتووە، سەڵاح هێشتا دەیەوێت ببێتە گرێبەستێكی گەورەی خولی رۆشنی سعودی، بەڵام لیڤەرپوول پێی وایە ئەو 200 ملیۆن یۆرۆی وەرزی رابردوو بۆ گواستنەوەی ئەستێرەكەی پێشكەشی كرا ئەمساڵ دووبارە نابێتەوە.
ئاماژە بەوەشكراوە، سعودییەكان پێیان وایە لیڤەرپوول یاریزانێكی تەواوە بۆ ئەوەی ببێتە ناوێكی سەرەكی خولەكە، سەرەڕای بوونی كریستیانۆ رۆناڵدۆ.
هێرشبەرە میسڕیەكە لەم وەرزەدا بەشداری لە 41 یاری كردووە و توانیویەتی 24 گۆڵ بكات و 12 گۆڵیش درووست بكات.
