یاریگا –
وردە وردە ناسنامەی پاڵەوانی خولەکانی ئەوروپا، یاخود ئەو یانانە ئاشکرا دەبن کە دادەبزنە خولی خوارتر. ئەمرۆیش یەکەم یانە ئاڵای سپی هەڵکرد.
ئەمڕۆ لە یارییەکانی پریمەرلیگ لە هەفتەی 35 بۆ نیوکاسڵ و 34 بۆ شیفیڵد یونایتدی میوانی، خاوەنماڵ بە ئەنجامێکی گەورە 5-1 شکستی بە شیفیڵد هێنا. لە دۆڕانەکە تاڵتر، دابەزینیان بوو لە خولی ئینگلیزی.
🔴 Sheffield Utd's loss to Newcastle confirms their relegation
🤝 Burnley earn a point away to Man Utd to move a point closer to safety
🟠 Luton fail to make ground on their rivals after losing to Wolves pic.twitter.com/NnT9JPj0r8— Premier League (@premierleague) April 27, 2024
شیفیڵد هاوینی رابردوو بە ڕاستەوخۆ سەرکەوتبوو بۆ پریمەرلیگ لەپێش یانەکانی بێرنلی و لوتن تاون.
لە لۆی ئەم وەرزە یانەکە تەنها سێ بردنەوە و حەوت یەکسانبوونی تۆمار کردووە تا ئێستا. بەوەش 16 خاڵیان کۆ کردووەتەوە. یانەکەی یۆرکشایەر 34 گۆڵیان تۆمار کردووە، لە بەرانبەردا 97 جار تۆڕەکەیان هەژێنراوە.
یەکلابوونەوەی دابەزینی شیفیڵد لە کاتێکدابوو بێرنلیش کە هەر لە ناوچەی دابەزینە، ئەم هەفتەیەش خۆی گرت کاتێک توانی خاڵێک لە مانچێستەر یونایتد بڕفێنێت.
ئێستا جەنگی مانەوە لە پریمەرلیگ کەوتووەتە نێوان ئیڤەرتن، نۆتینگهام، لوتن تاون و بێرنلی.
