یاریگا –
سیمۆنی ئینزاگی، راهێنەری یانەی ئینتەر میلانی ئیتاڵی توانی نازناوی سێریا ئەی بۆ یانەكەی بباتەوە.
شەوی رابردوو بەشێوەیەكی فەرمی ئینتەر میلان بوویە پاڵەوانی سێریا ئەی دوای بردنەوەی لە ئەیسی میلان بە ئەنجامی دوو گۆڵ بەرامبەر گۆڵێك.
بەو بردنەوەیەش ئینتەر میلان كۆی خاڵەكانی بۆ 86 خاڵ بەرزكردەوە و بە جیاوازی حەڤدە خاڵ لە پێش ئەیسی میلانی دووەمەیەوەیە، پێش پێنج هەفتە لە كۆتاییهاتنی خولەكە نازناوەكەی یەكلاكردەوە.
I CAMPIONI DELL’ITALIA SIAMO NOI 🇮🇹🖤💙⭐️⭐️#ForzaInter #IM2Stars pic.twitter.com/Vs8WVqa0YC
— Inter ⭐⭐ (@Inter) April 22, 2024
بەپێی زانیارییەكانی تۆڕی سكواكا تایبەت بە ژمارە و ئامارەكان، سیمۆنی ئینزاگی یەكەم نازناوی سكۆدێتۆی وەك راهێنەر بەدەستهێنا.
ئینزاگی سەرجەم نازناوەكانی ئیتاڵیای وەك راهێنەر و وەك یاریزانیش بردووەتەوە.
Simone Inzaghi has won a league title for the first time in his managerial career. 🏆
He's now won every top-flight trophy in Italian football as both a player and a manager:
Player
◉ 1x Serie A
◉ 3x Coppa Italia
◉ 1x Supercoppa ItalianaManager
◉ 1x Serie A
◉ 3x Coppa… pic.twitter.com/3fih8HqMLN— Squawka (@Squawka) April 22, 2024
وەك یاریزان توانیویەتی نازناوەكانی سێریا ئەی جارێك، جامی ئیتاڵیا سێ جار، سوپەری ئیتاڵیا جارێك بباتەوە و وەك راهێنەریش توانیویەتی نازناوی سێریا ئەی جارێك و جامی ئیتاڵیا سێ جار و سوپەری ئیتاڵیا پێنج جار بباتەوە.
چاوەڕوان دەكرێت رۆژی شەممەی داهاتوو ئینتەر میلان لە یاریگای تایبەت بە خۆی میوانداری تۆرینۆ بكات.
