یاریگا –
چاڤی هێرناندێز، راهێنەری ئیسپانی یانەی بارسێلۆنا باس لە پێكانەكانی رافینیا و لامین یامال دەكات.
شەوی رابردوو بارسێلۆنا لە یاریگای مۆنجویكی تایبەت بە خۆی میوانداری مایۆركای كرد و یارییەكەشی بە ئەنجامی گۆڵێكی بێ وەڵام لێ بردەوە، لە میانی یارییەكانی هەفتەی 28ی لالیگای ئیسپانیا.
Finaaaaaaaal!!!!!! pic.twitter.com/uCYhqkjNZ3
— FC Barcelona (@FCBarcelona_cat) March 8, 2024
تاكە گۆڵەكەی بارسێلۆنا لەلایەن لامین یامال لە خولەكی 73ی یارییەكەدا تۆمار كرا.
لە گێمی یەكەمی یارییەكەدا و لە خولەكی 37 رافینیا تووشی پێكان بوو بە هۆیەوە نەیتوانی یارییەكە تەواو بكات و یاریگای جێهێشت فێرمین لۆپێز جێگای گرتەوە.
هەروەها لە كۆتاییەكانی یارییەكەشدا لامین یامال رووبەرووی لێدانێكی بەهێز بوویەوە و گومان لە پێكانی یاریزانەكە دەكرێت.
لە لێدوانەكانی دوای یارییەكەدا چاڤی گوتی:
پێموایە یارییەكی باشمان كرد، بەرگریمان كرد و ركابەرییەكی باشمان كرد، لەو كاتەوەی بڕیاری رۆیشتنم راگەیاندووە ئاستی تیمەكە باشتر بووە و ئەمەش بە رێكەوت نیە.
ئەمڕۆ هێرشبردن بۆ سەر هێڵی بەرگری پێنج یاریزان قورس بوو، بەرگریكارەكانی مایۆركا زۆر باش بوون و زاڵبوون بەسەریاندا قورس بوو.
دەربارەی پێكانەكانی رافینیا و یامال گوتی:
پێموانیە پێكانیان هەبێت، رافینیا و یامال پێكانیان نیە، تەنیا ئازارێك بووە.
بارسێلۆنا بە كۆكردنەوەی 61 خاڵ لە ریزبەندی دووەمی لالیگا دێت و بە جیاوازی پێنج خاڵ لە دوای مەدریدی پێشەنگەوە دێت.
