یاریگا –
راپۆرتە رۆژنامەوانیەكان سورپرایزێكیان دەربارەی داهاتووی چابی ئاڵۆنسۆ، راهێنەری ئیسپانی یانەی بایەر لیڤەركوزنی ئەڵمانی ئاشكرا كرد.
چابی ئاڵۆنسۆ لەگەڵ بایەر لیڤەركوزن ئاستێكی بەرز پێشكەش دەكەن و لە پێشەنگی ریزبەندی بۆندسلیگا دێن.
گرێبەستەكەی ئاڵۆنسۆی راهێنەر لەگەڵ بایەر لیڤەركوزن لە هاوینی ساڵی 2026 بەسەردەچێت.
هەریەك لە یانەكانی بایرن میونشنی ئەڵمانی و لیڤەرپوولی ئینگلیزی لە كۆتایی وەرزدا راهێنەرەكانیان یانەكانیان جێدەهێڵن و ناوی چابی ئاڵۆنسۆ وەك بەربژێری یەكەم بۆ وەرگرتنی پۆستی راهێنەرایەتیكردنی هەردوو یانەكە دێت.
Die Chancen auf einen Verbleib von Xabi Alonso bei #B04? Sie stehen nicht ganz so schlecht #RMA #FCB #LFC https://t.co/udTehiIAHb
— Christopher Michel (@CMoffiziell) February 24, 2024
بەپێی زانیارییەكانی رۆژنامەنووس كریستۆڤەر میچێل چابی ئاڵۆنسۆ دەیەوێت لە ریزەكانی بایەر لیڤەركوزن بۆ ماوەی دوو بۆ سێ ساڵی دیكە بەردەوام بێت و لە كۆتایی وەرزدا ریزەكانی یانەكەی جێنەهێڵێت.
ئەوەشی ئاشكرا كردووە، ئالۆنسۆ دەیەوێت بەردەوام بێت تا ئەو كاتەی كارلۆ ئانچێلۆتی گرێبەستەكەی لەگەڵ ریال مەدرید كۆتایی دێت و پۆستی راهێنەرایەتیكردنی یانە شاهانەكە وەربگرێت.
بایەر لیڤەركوزن بە كۆكردنەوەی 61 خاڵ پێشەنگی ریزبەندی بۆندسلیگای گرتووە و بە جیاوازی هەشت خاڵ لە پێش بایرن میونشنی دووەمەوە دێت.
