یاریگا –
راپۆرتە رۆژنامەوانیەكانی ئیسپانیا رایانگەیاند یانەی بارسێلۆنای ئیسپانی نایەوێت گرێبەستی سێرجی رۆبێرتۆی ئیسپانی و یاریزانی هێڵی ناوەندی یانەكەی نوێ بكاتەوە.
گرێبەستەكەی رۆبێرتۆ لەگەڵ بارسێلۆنا لە هاوینی ئەمساڵدا بەسەردەچێت.
Sergi Roberto 2⃣0⃣2⃣4⃣#MadeInLaMasia pic.twitter.com/6PMEcG0zql
— FC Barcelona (@FCBarcelona_cat) March 3, 2023
بەپێی زانیارییەكانی رێلیڤۆ ئیدارەی وەرزشی بارسێلۆنا نایەوێت گرێبەستی سێرجی رۆبێرتۆ نوێ بكاتەوە و ئەم وەرزە كۆتا وەرزی یاریزانەكە دەبێت لەگەڵ یانەكەی.
سێرجی رۆبێرتۆ قوربانی یەكەمی دوای رۆیشتنی چاڤی هێرناندێزە، چونكە راهێنەرەكە داوای نوێكردنەوەی گرێبەستی یاریزانەكەی كرد و لە دوای رۆیشتنی یانەكە تواناكانی یاریزانەكەی ناوێت.
لە وەرزی 2010/2011 سێرجی رۆبێرتۆ یەكەم یاری بە درێسی بارسێلۆناوە لە ژێر راهێنەرایەتیكردنی پێپ گواردیۆلا كرد و چواردە وەرزە بە درێسی ئەو یانەیەوە یاری دەكات.
لەم وەرزەی لالیگا رۆبێرتۆ بەشداری لە 15 یاری كردووە و توانیویەتی سێ گۆڵ بكات و گۆڵێكیش درووست بكات.
