تیاگۆ ئەلکانتارا دەچێتە فلامینگۆ؟ ڕۆژنامەنووسێک زانیاری نوێی پێیە
یاریگا –
زانیاری نوێ گەیشتووە سەبارەت بە ئەگەری چوونی تیاگۆ ئەلکانتارا بۆ فلامینگۆی بەڕازیلی.
وا دیارە ناوەڕاستکارە لێهاتووەکەی پێشووتری بایەرن میونخ شوێنێکی نەماوەتەوە بۆ سەرەکیی بوون لە تیمەکەی یۆرگن کلۆپ و هەر بۆیە لەم ماوەیەدا زۆترین دەنگۆ لەسەر ڕۆیشتنی هاتە میدیاکانەوە و لە هەموویشی بڵاوتر دەنگۆی پەیوەندی کردنی بە فلامینگۆی بەڕازیلیەوە. بەڵام فابریزیۆ ڕۆمانۆی رۆژنامەنووس قسەی جیاوازتری پێیە و بوونی هەر گفتوگۆ و لێکنزیکبوونەوەیەکی نێوان تیاگۆ و فلامینگۆ ڕەت دەکاتەوە.
🚨⛔️ Understand there’s nothing at all into rumours of Thiago Alcantara joining Flamengo in January. No talks, no board trip to England to negotiate. Zero.
🔴⚫️ Flamengo were focused on their next signing, Matías Viña. Almost done. pic.twitter.com/pUKhW6NP2d
— Fabrizio Romano (@FabrizioRomano) January 21, 2024
رۆمانۆ دەڵێت کە زانیاریی هەیە هیچ شتێک بوونی نییە لەو دەنگۆیانەی گوایە ئەلکانتارا پەیوەندی بە فلامینگۆوە دەکات لەم زستانەدا.
ئەو ڕۆژنامەنووسە دڵنیاییش دەدات کە نە گفتوگۆیەک بوونی هەیە و نە بۆردی فلامینگۆ بۆ ئەم مەبەستە سەردانی ئنگلتەرایان کردووە.
ئەلکانتارا دوای حەوت ساڵی یاریکردنی بۆ باڤارییەکان، لە ساڵی ٢٠٢٠ پەیوەندی بە ڕێدزەوە کرد بە بڕی ٢٥ ملیۆن پاوەند بە گۆڕانکارییەکانەوە.
