یاریگا –
بەشێوەیەکی فەرمی گۆڕانکاری گەورە لە یاساکانی خولی رۆشنی سعودی کرا.
بەشێوەیەکی فەرمی فیدراسیۆنی تۆپی پێی سعودیە و یەکێتی خولی پیشەگەری سعودیە چەند بڕیارێکی نوێیان لە بەرژەوەندی یانەکانی خولەکە دەرکرد.
بەپێی یاسا نوێیەکان، لە وەرزی داهاتووی خولی رۆشنی سعودی، هەر یانەیەکی خولەکە مافی ئەوەی دەبێت ناوی 10 یاریزانی پیشەگەر تۆماربکات.
الاتحاد السعودي لكرة القدم ورابطة الدوري السعودي للمحترفين يقرران تعديل عدد اللاعبين المسجلين في كشوفات الفريق الأول بأندية دوري روشن السعودي للمحترفين إلى 25 لاعبًا مع مراعاة أحقية كل نادٍ بتسجيل عدد 10 لاعبين غير سعوديين، بمشاركة 8 في كل مباراة، وذلك اعتبارًا من الموسم الرياضي… pic.twitter.com/mqfcEb32dT
— الاتحاد السعودي لكرة القدم (@saudiFF) December 29, 2023
بەپێی رێنماییەکان 8 یاریزانیان بەبێ گوێدانە تامەنیان ناویان تۆماردەکرێت، بەڵام دەبێت 2 یاریزانیان لەدایکبووی ساڵی 2003 یاخود بەرەوسەرەوە بن.
هاوکات بۆ هەر یارییەکی خولی رۆشنی سعودی پێویستە یانەکان بانگهێشتی 8 یاریزانی پیشگەر بکەن و 2 یاریزانیان دووربخەنەوە، بەڵام لە یارییەکانی جام و جامی سوپەر دەتوانن هەر 10 یاریزانەکە بانگهێشت بکەن.
ئەم گۆڕانکارییە گەورەیە رێگە بۆ یانەکانی خولەکە خۆش دەکات تا لە مێرکاتۆی هاوینەی داهاتوو زۆرترین ئەستێرەی گەورە بەرەو یانەکانیان بگوازنەوە.
