ڕێژەی خاڵی ئەو ڕاهێنەرانەی پریمەرلیگ لە نێو یاریگای خۆیاندا 100 یاری یان زیاتریان ئەنجام داوە
یاریگا –
ئەمرۆ شەیدایانی تۆپی پێ بینەری یاریی لووتکەی پریمەرلیگ دەبن لەنێوان لیڤەرپول و ئارسیناڵی میوانی و ئامار و ریکۆردەکانیش لەم بارەیەوە گروتینی زیاتریان بەخشیوەتە جەنگەکەی ئانفیڵد.
ئۆپتا بۆ شیکاریی و ئامار، هەڵساوە بە خستنە رووی ژمارەی ئەو خاڵانەی راهێنەرەکانی پریمەرلیگ کۆیان کردووەتەوە لە (یاریگای خۆیان)دا دوای 100 یاریی یان زیاتر.
یۆرگن کلۆپ وتیمەکەی کە ئەمڕۆ میوانداریی میکێل ئارتێتا و تۆپوەشێنەکانی دەکەن، ئامارەکانی یاریگای ئانفیڵد بۆ ئەو راهێنەرە ئەڵمانییە زۆر ئەرێنییە و لە ریزی گەورەکاندایە.
باشترین رێژەی خاڵ کۆکردنەوە لە یاریگای خۆجێیدا، لای پیپ گوارردیۆلایە بە پلەی یەکەم و، سێر ئەلێکس فێرگسن دووەم و یۆرگن کلۆپ سێیەمە.
Jürgen Klopp's only lost 11 Premier League home games, while his 2.34 points per game average at home is the third best of all coaches to have taken charge of 100+ games.
Can he get all three points in a crucial game versus Arsenal on Saturday?https://t.co/cAeBwLFP95#ad #lfc
— Opta Analyst (@OptaAnalyst) December 22, 2023
ئەوەی لە ئامارەکەدا دەردەکەوێت، لەنێو لیستە دە کەسیەکەدا جگە لە پیپ و کلۆپ، تەنها ماوریسیۆ پۆچێتینۆی چێڵسی کارایە لە خولەکە و ئەویش بە رێژەیەکی زۆر دوورە لە رکابەرە ئیسپانیی و ئەڵمانییەکەی.
دوای هەفتەی 17ی پریمەرلیگ، گەنەرز بە 39 خاڵ پلەی یەکەمە و، ڕێدز بە 38 خاڵ لە پلەی سێیەمە لە دوای ئەستۆن ڤێلا و یارییەک زیاتری ئەنجام داوە.
