یاریگا –
یانەی ریال مەدریدی ئیسپانی، تاوەکوو سەرەتای ساڵی 2024 لە تواناکانی ئیدواردۆ کاماڤینگا و ڤینیسیۆس جونیۆر بێبەش دەبێت .
ریال مەدرید لە یارییەکانی فیفا دێیدا بێشانس بووە و تا ئێستا دوو یاریزانی گرنگ و کاریگەری لەدەستداوە و رووبەڕووی قەیرانێک بووەتەوە کە وایکردووە بەشێک لە ئەستێرە سەرەکییەکانی ئەم تیپە تووشی پێکانێکی سەخت ببن، ئەمەش رەنگە کاریگەری زۆری لەسەر ئێستا و داهاتووی ئەم تیپە هەبێت.
سەرەتا ئێدوارد کاماڤینگا بوو کە لە مەشقەکانی فەرەنسا بەهۆی هەڵەی دێمبلی تووشی پێکان بوو، و ناچار بوو بۆ ماوەی هەشت بۆ 10 هەفتە لە یاریگا دوور بکەوێتەوە، دواتر ڤینیسیۆس لە یارییەکەی بەرامبەر کۆڵۆمبیا کێشەی ماسولکەکانی هەبوو و لەپێێ چەپیدا تووشی پێکان بوو ئەویش بە دڵنیاییەوە بۆ ماوەی دوو مانگ و نیو ناتوانێت یاوەری یانەکەی بکات.
بەم شێوەیە، تا ئێستا لەم وەرزەدا یانەی ریال لانیکەم یەکێک لە یاریزانە گەورەکانی لە هەر پۆستێکدا نییە بەهۆی پێکانەوە. تیبۆ کۆرتوا لە گۆڵ، ئیدەر میلیتاو لە هێڵی بەرگری، کاماڤینگا لە هێڵی ناوەڕاست و ڤینیسیۆس لە هێڵی هێرشبەریدا.
یانە مەدریدییەکە پێش کۆتایی ساڵ ئەم یارییانە لە پێشە: بەرامبەر کادیز لە یاریگای کادیز، ناپۆلی لە یاریگای خۆی، گرانادا لە یاریگای سانتیاگۆ، بیتیس لە یاریگای رکابەر، یونیون لە یاریگای بەرامبەر، ڤیاریال لە یاریگای خۆی و ئەلاڤێس لە یاریگای بەرامبەر. بۆ ئەمانەش پێویستە یارییەک لە قۆناغی 16ی کۆتایی جامی شای ئیسپانیا زیاد بکرێت، کە تیایدا هێشتا رکابەری ریال دیاری نەکراوە.
هەروەها دەبێت ریال مەدرید لە قۆناغی پێش کۆتایی جامی سوپەری ئیسپانیا لە 10ی مانگی یەکدا رووبەڕووی ئەتلەتیکۆ ببێتەوە، هەروەها ئامادەنەبوونی کاماڤینگا لەم یارییەدا دڵنیایە، ماوەتەوە بزانین دۆخی ڤینیسیۆس چۆن دەبێت. لە چەند رۆژی داهاتووشدا هێشتا ئەگەری پێکانەی نوێ لە ریال مەدرید هەیە.
یانەکە ساڵی رابردوو بە 53 پێکان کۆتایی پێهێنا، کە 41یان پێکانەکانی ماسولکەکان بوون، تا ئێستا لە وەرزی نوێدا، کە هێشتا کاتێکی زۆر نییە دەستی پێەکردووە، 9 یاریزان تووشی پێکان بوون، بەشێکیشیان بۆ چەندین جار رووبەڕووی ئەم کێشەیە بوونەتەوە.
