ڤیدیۆ: ئاژاوەی هاندەرانی یونیەن بەرلین لە ئیتاڵیا و دەستگیرکردنی بەشێکیان
بەر لە یاری نێوان ناپۆلی و یونیەن بەرلین 11 هاندەری یانەی میوان لە ئیتاڵیا دەستگیرکران.
دوێنێ بەهەمان شێوە هەر لەو وڵاتە بەر لە یاری میلان و پاریس شەڕ و گرژی دروست بوو لە نێوان هاندەرانی هەردوو یانە. شەوی رابردووش بەر لە یارییەکی دیکەی خولی پاڵەوانەکان دا ئەو سیناریۆیە دووبارە بووەوە.
بەگوێرەی ئاژانسی ئانسا، نزیکەی 300 هاندەری یونیەن بەرلین لە وێستگەیەکی شەمەندەفەر کۆبوونەتەوە و زۆرینەیان رووخساریان داپۆشیووە و یەک پۆشاکیان لەبەردا بووە. سەرەتا ئامادە نەبوون بلیتی شەمەندەفەر ببڕن و دواتریش چوونەتە شەقامەکانی کامپانیا و لەوێ زیانیان بە ئۆتۆمبێل و فرۆشگاکانی ئەوێ گەیاندووە و رووبەرووی پۆلیس بوونەتەوە. سەرەنجام 11 هاندەریان دەستگیرکراون و لای پۆلیسن
VIDEO – Disordini al centro di Napoli alla vigilia del match di Champions League tra Napoli e Union Berlino 🎥 @GifGifuni #napoliunionberlino pic.twitter.com/3PTBAs8tGg
— Napoli Magazine (@napolimagazine) November 7, 2023
Napoli-Union Berlin, gli ultras tedeschi sfilano in centro a Napoli. 🚨 pic.twitter.com/pBnN9mA4rT
— Gianmarco Giordano (@GianmarcoGio) November 7, 2023
یونیەن بەرلین دوای سێ هەفتە، هیچ خاڵێکی کۆنەکردووەتەوە و لەباری هەر ئەنجامێک جگە لە بردنەوە، راستەوخۆ ماڵئاوایی لە پاڵەوانێتییەکە دەکات. ناپۆلیش بە شەش خاڵ لە پلەی دووهەم دایە.
