لیاو هۆكاری ئاهەنگگێڕانەكەی ئاشكرا دەكات
یاریگا –
رافایێل لیاو، هێرشبەری پۆرتوگالی یانەی ئەیسی میلانی ئیتاڵی هۆكاری ئاهەنگگێڕانەكەی بەرامبەر پاریس سانجێرمان ئاشكرا دەكات.
شەوی رابردوو میلان لە یاریگای سان سێرۆی تایبەت بە خۆی میوانداری پاریس سانجێرمانی كرد و یاریەكەش بە ئەنجامی دوو گۆڵ بەرامبەر گۆڵێك لە بەرژەوەندی یانەی خاوەن ماڵ كۆتایی هات.
گۆڵەكانی یارییەكە لە لایەن میلان شكرینیار لە خولەكی 9 و رافایێل لیاو لە خولەكی 12 و جیرو لە خولەكی 50 تۆمار كران.
RAFAEL LEAO ÉGALISE DANS LA FOULÉE POUR LE MILAN D’UN RETOURNÉ ACCROBATIQUE !!! 🔴⚫️
QUEL BUT !!! 🤯
🎥 @CanalplusFoot pic.twitter.com/iHhHK4xbct
— Actu Foot (@ActuFoot_) November 7, 2023
لیاو بە باشترین یاریزانی یارییەكەی نێوان میلان و پاریس دەستنیشانكرا.
Auteur d'une ✨𝗠𝗮𝘀𝘁𝗲𝗿𝗰𝗹𝗮𝘀𝘀✨, Rafael Leao est élu HOMME DU MATCH de ce Milan – PSG ! 🔴⚫️ pic.twitter.com/IOEahcLnlr
— Instant Foot ⚽️ (@lnstantFoot) November 7, 2023
لە دوای یارییەكە لە لێدوانیدا بۆ سپۆرت میدیاسێت لیاو ووتی: خەڵاتی باشترین پێوویستە بۆ هەموو تیمەكە بێت، نیشانی هەموانماندا كە میلان چیە لە یاریگای خۆیدا، هیچ وشەیەك نیە و شانازی بە تیپەكەمانەوە دەكەم، زۆر ماندوو بووین بۆیە زۆر دڵخۆشم.
بەردەوام بوو ووتی: ئەم یارییە دەیتوانی هەموو شتێك لە كۆمەڵەكەمان بگۆڕێت، بردنەوە گرنگترین شت بوو بۆ ئێمە، سەركەوتنمان بەدەستهێنا و ئێستا دەبێت متمانەمان بە خۆمان هەبێت.
سەبارەت بەشێوازی ئاهەنگگێڕانەكەی لیاو ووتی: رەخنەكان بۆ پێشەوە پاڵم دەنێت، بۆیە با بەردەوام بن لە قسەكرد و من لە یاریگادا قسە دەكەم و یارمەتی یانەكەم دەدەم، ئەمڕۆ نیشانماندا كە دەتوانین بیكەین، هەموو كات بڕوامان بە سەركەوتن هەیە.
بۆرووسیا دۆرتمۆند بە كۆكردنەوەی 7 خاڵ پێشەنگی كۆمەڵەی مەرگی گرتووە و پاریس سانجێرمانیش بە شەش خاڵ لە پلەی دووەم دێت، ئەیسی میلان و نیوكاسڵیش بە كۆكردنەوەی پێنج خاڵ و چوار خاڵ پلەكانی سێیەم و چوارەمیان گرتووە.
