یاریگا –
یانەی ریال مەدریدی ئیسپانی بەیاننامەیەكی فەرمی سەبارەت بە كیلیان ئێمباپێ بڵاوكردەوە.
زۆربەی سەرچاوە رۆژنامەوانیەكان باسیان لە دانوستانی نێوان كیلیان ئێمباپێ و ریال مەدرید دەكرد.
گرێبەستەكەی ئێمباپێ لەگەڵ پاریس سان جێرمان لە هاوینی ساڵی داهاتوو بەسەردەچێت.
Comunicado Oficial.#RealMadrid
— Real Madrid C.F. (@realmadrid) November 4, 2023
كەمێك پێش ئێستا هەژماری فەرمی ریال مەدرید لە پلاتفۆرمی ئێكس بەیاننامەیەكی فەرمی بڵاوكردەوە و تێیدا هاتووە:
بە لەبەرچاوگرتنی ئەو هەواڵانەی لەم دواییانەدا لەلایەن دەزگا راگەیاندنە جۆراوجۆرەكانەوە بڵاوکراونەتەوە، کە تیایدا قسە و باس لەسەر دانوستانی نێوان كیلیان ئێمباپێ و یانەكەمان هەیە، ریال مەدرید دەیەوێت ئەوە روون بکاتەوە کە ئەم زانیاریانە بە تەواوی درۆیە و هیچ دانوستانێکی لەو شێوەیە نیە و یاریزانەكە سەر بە پاریس سان جێرمانە.
