فشارێکی نوێی پاریس لەسەر ئێمباپێ
یاریگا –
پاریس سانجێرمان ئامادەکاری بۆ پێشکەشکردنی ئۆفەرێکی دیکە بە کیلیان ئێمباپێ دەکات.
ئێمباپێ لە هاوینی رابردوودا، تەواوی میدیاکانی بە خۆییەوە سەرقاڵ کردبوو، دوای ئەوەی داوایەکی پێشکەشی پاریس کرد و داوایلێکرد،لە هاوینی 2024 یانەکە جێبهێڵێت.
رۆژنامەی سپۆرت روونیکردووەتەوە، ئێمباپێ لە دوا یاری هەڵبژاردەی فەرەنسا بەرامبەر هەڵبژاردەی هۆڵەندا، رەسەنایەتی خۆی پیشاندا و دوو گۆڵی کرد، بەڵام لەگەڵ پاریس، ئێمباپێ ئاستێکی مام ناوەند پێشکەش دەکات، ئەمەش بە هۆی فشارە زۆرەکەی یانەکەی و کێشەی نوێکردنەوەی گرێبەستەکەیەتی. رۆژنامەکە دووپاتیدەکاتەوە،
دوو مانگ و نیوی دیکە، ئێمباپێ ئازاد دەبێت و دەتوانێت گفتوگۆ لەگەڵ یانەکانی دیکە بکات، هەرچەندە سانجێرمان دەمێکە هەوڵەکانی بۆ نوێکردنەوەی گرێبەستی کیلیان دەستپێکردووە، بەڵام لە هیچ رێککەوتنێک نزیک نین. ئێستا پاریس سانجێرمان دەیەوێت ئێمباپێ بە نوێکردنەوەی گرێبەستەکەی بۆ ساڵێک رازی بکات، بەو مەرجەی لە هاوینی داهاتوودا بتوانێت یانە پاریسییەکە جێبهێڵێت، تەنانەت نرخی فرۆشتنەکەشی زۆر بەرز ناکەنەوە، تاوەکو یانەی وەک ریال مەدرید بتوانێت بیگوازێتەوە.
⚡️El futuro de Mbappé se calienta: guerra final PSG-Madrid
💸 A dos meses y medio de poder negociar como agente libre, el club parisino hará su última ofertahttps://t.co/x4WKyeUIqG
— Diario SPORT (@sport) October 15, 2023
بە گوێرەی سەرچاوەکانی رۆژنامە کاتالۆنییەکە بێت، ئێمباپێ و ریال مەدرید، مانگی داهاتوو دەگەنە رێککەوتن و لە هاوینی داهاتوودا ئێمباپێ دەبێتە یاریزانی ریال مەدرید.
ئێمباپێ لەم وەرزەدا بەشداری 9 یاری لەگەڵ پاریس سانجێرمان کردووە و هەشت گۆڵی کردووە.
