ناسر خلێفی: گۆڕانکاری گەورە و ئەرێنمیان کردووە
یاریگا –
ناسر خلێفی سەرۆکی یانەی پاریس سانجێرمان گەشبینە بەو گۆڕانکارییە گەورانەی کردوویانە.
لەم وەرزە یانە فەڕەنسییەکە گۆڕانکاری بنچینەیی لە یانەکەدا کرد، بەشێوەیەکی چاوەڕواننەکراو دەستبەرداری هەریەکە لە لیۆنیل مێسی ئەرجەنتیی، نێیمار داسیلڤای بەڕازیلی، مارکۆ ڤێراتی ئیتاڵی و سێرجیۆ رامۆسی ئیسپانی بوو.
لە بەرامبەردا چەند ئەستێرەیەکی لاوی دیاری گواستەوە، لەوانەیش کۆلۆ موانێی فەڕەنسی، گونچالۆ رامۆسی پۆرتوگالی، مارکۆ ئاسێنسیۆی ئیسپانی و عوسمان دیمبێڵێی فەڕەنسی.
سەرەڕای گۆڕانکارییە گەورەکان، ئاستی سانجێرمان تا ئێستا ناجێگیرە، یانەکە لە چامپیۆنزلیگ بەرامبەر نیوکاسڵ تووشی شکستێکی سەخت بوو، لە لیگ وەنیش بە کۆکردنەوەی 15 خاڵ لە 8 یاریدا پلەی سێیەمی خولەکەیان گرتووە.
بەو هۆیە رەخنە و ناڕەزایی ئاراستەی یانەکە دەکرێت. لە بەرامبەردا ناسر خلێفی سەرۆکی یانەکە وەڵامی رەخنەکان دەداتەوە و بەمشێوەیە دەدوێت:
لەم هاوینە گۆڕانکاری گەورە ئەرێنیمان لە یانەکەدا کردووە، زیاتر لەوەی کە هەمووان بە خەیاڵیاندا هاتووە.
“کاتێک بناغەیەکی نوێ درووست دەکەیت کاتی دەوێت، پێویستی بە ئارامگرتن و کۆڵنەدانە، نابێت کاردانەوەی زیاد لەپێویست بکەیت.
دەزانین بە رێگەیەکەی درووستدا دەڕۆین
🔴🔵 PSG president Al Khelaifi: "We have undergone seismic positive change at the club this summer, more than anyone imagined".
"When you build new foundations, it takes time. You need patience and perseverance. Not to over-react".
"We know we're going in the right way". pic.twitter.com/1pUzb1I8II
— Fabrizio Romano (@FabrizioRomano) October 11, 2023
