یاریگا-
ریاز مەحرەز ئەستێرەی تیپی ئەهلی سعودی دوای دۆڕاندنە قورسەکەی یانەکەیان بەرامبەر فەتح لە هەفتەی پێنجەمی خولی سعودی بە ئەنجامی 5-1 داوای لێبوردنی لە هاندەرانی تیپەکەی کرد.
مەحرەز لە چاوپێکەوتنێکی تەلەفزیۆنیدا رایگەیاند:
“ئەوە تۆپی پێیە؛ هەندێک جار سەردەکەویت و هەندێک جاریش دەدۆڕێیت. پێم وایە لە گێمی یەکەم باش بووین و یارییەکەمان کۆنترۆڵ کردبوو، بەڵام لە گێمی دووەمدا هەندێک هەڵەمان کرد و لە کۆتاییدا دۆڕاین.”
ئاماژەی بەوەشکرد:
داوای لێبوردن لە هاندەران دەکەین بۆ یەکەم دۆڕانمان، بەڵام بەهێزتر دەگەڕێینەوە و یاری داهاتوو سەردەکەوین.
دوای شکستی ئەم یارییە، یانەی ئەهلی بە کۆکردنەوەی 12 خاڵ بۆ پلەی چوارەم دابەزی، فەتحیش بە کۆکردنەوەی 8 خاڵ پلەی حەوتەمی بەدەستهێنا.
ریاز مەحرەز دوای دە ساڵ یاریکردن لە پرێمەرلیگ و بەدەست هێنانی پێنج نازناوی بەهێزترین خولی جیهان، ئینگلتەرای بەجێهێشت و روویکردە خولی رۆشەنی سعودیە.
مەحرەز بە گرێبەستێک تاوەکو ساڵی 2027 بە بڕی 30 ملیۆن پاوەند پەیوەندی بە یانەی ئەهلیەوە کردوە.
