کیسیێ لە پێناو سعودیە ئۆفەری گەورەیەکی پرێمەرلیگی رەتکردووەتەوە
یاریگا –
فرانک کیسیێ لە پێناو سعودیە ئۆفەری یانەی مانچێستەر یونایتدی ئینگلیزی رەتکردووەتەوە.
پێگەی رێلێڤۆ بڵاویکردووەتەوە، فرانک کیسیێی کۆتدیڤواری و یاریزانی پێشووی یانەی بارسێلۆنا، لە مێرکاتۆی ئەم هاوینە لە پێناو پەیوەندیکردن بە خولی رۆشەنی سعودی، ئۆفەرێکی گەورەی یانەی مانچێستەر یونایتدی رەتکردووەتەوە.
بەپێی سەرچاوە ئیسپانییەکە، بۆ گواستنەوەی فرانک کیسیێ، شەیتانە سوورەکان ئۆفەرێکیان بە بەهای 16 ملیۆن یۆرۆ پێشکەش بە یانەی بارسێلۆنا کردووە.
یانە کەتەلۆنییەکە ئۆفەرەکەی بەدڵ بووە، پلانی وابووە بەو بڕە پارەیە مارسێلۆ بڕۆزۆڤیچی ئەستێرەی یانەی ئینتەر میلان بگوازێتەوە، بەڵام ئەستێرە کڕواتییەکە بارسای نەویست و پەیوەندی بە یانەی نەسڕی سعودی کرد.
لە لایەکی دیکە فرانک کیسیێ لە پێناو پەیوەندیکردن بە ئەهلی سعودی ئۆفەری شەیتانە سوورەکانی رەتکردووەتەوە و بڕیاریدا ماڵئاوایی لە ئەوروپا بکات و لە ئاسیا درێژە بە یاریکردن بدات.
According to Relevo, Franck Kessie had an offer to go to #MUFC this summer, but turned it down. #Barca pic.twitter.com/gR2W3oG29d
— Football España (@footballespana_) September 4, 2023
ئەو بڕیارەی ناوەڕاستکارە تەمەن 26 ساڵانییەکە گۆڕانکارییەکی گەورەی لە بازاڕی گواستنەوە درووستکرد، کە بەهۆی شکست هێنان لە گواستنەوەی ناوبراو مانچێستەر ناچاربوو سۆفیان گرێبەست لەگەڵ سۆفیان ئەمرابتی مەغریبی واژۆ بکات.
بێگومان ئەوەی زیاتر جێگای سەرنجە ئەوەیە کە یاریزانە کۆتدیڤوارییەکە لە ئاستێکی بەرزدا بوو، جیا لەوەش تەمەنێکی کەمی هەبوو، دەیتوانی بۆ ماوەیەکی زیاتر لە یانە بەهێزەکانی ئەوروپا درێژە بە یاریکردن بدات.
فرانکی لە بەرواری 9ـی ئاب بە بڕی 12.50 ملیۆن یۆرۆ لە بارسێلۆنای ئیسپانییەوە گواسترایەوە بۆ ئەهلی سعودی، لە یانە سعودییەکەیش ساڵانە 20 ملیۆن یۆرۆ وەک مووچە وەردەگرێت، گرێبەستەکەیشی بۆ ماوەی سێ وەرز دەبێت.
THE GENERAL is ours! 🫡
We are glad to announce the signing of Franck Kessié, from FC Barcelona, on a 3-year deal#WelcomeKessié 💚 pic.twitter.com/FdvNZ6sr8t
— Al-Ahli Saudi Club (@ALAHLI_FCEN) August 9, 2023
