یاریی نەسر و پێرسپۆلیس لە وڵاتێکی بێلایەن بەڕێوە دەچێت

یاریگا –

پێگەی SPORT 360 بانگەشەی ئەوەی کردووە کە یانەی نەسر یاریگای ئەلمەکتومی لە ئیمارات هەڵبژاردووە بۆ ئەوەی میوانداری پێرسپۆلیس بکات.

سەرەڕای هەندێک بانگەشەی ئەوەی کە نوێنەرانی ئێران و سعوودیە لەسەر گۆڕەپانی یەکتر یاری ئەنجام دەدەن، رووداوەکانی رۆژانی رابردوو دەریدەخەن کە ئەو یاسایەی کە چەند ساڵێک لەمەوبەر لە لایەن کۆنفدراسیۆنی تۆپی پێی ئاسیا دەرچووە، ئەمساڵیش جێبەجێ دەکرێت و یارییەکانی نێوان تیمەکانی هەردوو وڵات لە یاریگایەکی بێلایەن بەڕێوەدەچن.

لە سەرەتادا باس لەوە کرابوو کە کێشەکانی وەک VAR رەنگە ببێتە هۆی ئەوەی میوانداریی لە تیپەکانی ئێران بسەنرێتەوە، بەڵام ئێستا بەدەر لەم بابەتە و ئایا کێشەکانی VAR لە ئێران چارەسەر دەکرێن یان نا، رووبەڕوو بوونەوەکانی نێوان نوێنەرانی ئێران و سعودیە لە یاریگای بێلایەن بەڕێوەدەچێت.

پێگەی بەناوبانگ SPORT 360 چەند خولەکێک لەمەوبەر لە هەواڵێکی بەپەلەدا، باسی کرد کە یانەی نەسر یاریگای ئەلمەکتومی لە دوبەی پایتەختی ئیمارات هەڵبژارد بۆ میوانداریکردنی پێرسپۆلیس. یارییەکە لە مانگی نۆڤەمبەری ئەم ساڵ بەڕێوە دەچێت.

هەروەها نوسیویەتی، ئەمڕۆ ئیدارەی یانەی نەسر ئەم بڕیارەی داوە و هەروەها نامەکەی بۆ یەکێتی تۆپی پێی ئاسیا دەنێرێت. بەڵام بەڕێوەبەرانی ئەم یانەیە چاوەڕێی بڕیاری یانەی پێرسپۆلیس دەکەن بۆ هەڵبژاردنی شوێنی رووبەڕوو بوونەوەکە لەگەڵ ئەم تیپە.

پێویستە بزانرێت کاردانەوەی بەڕێوەبەرانی پێرسپۆلیس بەرامبەر بەم بابەتە چی دەبێت. ئەگەر یارییەکانی نێوان یانەکانی ئێران و سعودیە لە وڵاتی سێهەمدا بەڕێوەبچێت، لە ئەنجامدا نەساجی و سێپاهان دەبێت وڵاتێکی بێلایەن هەڵبژێرن بۆ میوانداریکردنی تیپە سعودییەکان بۆ ئەوەی رووبەڕووی هیلال و ئیتیحاد ببنەوە.